spot_img

Shen yn pynmih jingpynbna ka Sorkar halor u pud rta ioh kam

Date:

Share post:

Shillong, Rymphang 26 : U Myntri Rangbah ka Jylla Conrad K Sangma ha ka sngi Nyngkong, ula pyntip ba shen ka Sorkar kan sa pynmih ia ka jingpynbna halor ka jingbuh pud ia ka rta thungkam ha ki saw tylli ki tnad treikam ka Sorkar.

Kine ki kynthup ia ka Home (Police), Execise Registration, Taxation and Stamps, Home Guards bad Civil Defence lem bad ka Tnad Forest & Environment.

Haba jubab ia ka mat iatai ba lyngkot bala wanrah da u MLA ka VPP na Mawlai, u Conrad ula ong “Ka kynhun Myntri kaba shong jingialang ha ka 24 tarik Kyllalyngkot 2024, kala mynjur ia ka jingtyrwa ban buh noh da u pud ba rit eh bad ba heh duh ka rta ha ka jingthungkam ha ki 4tylli ki tnad. Ia ka jingpynbna paidbah yn sa pynmih noh shen”.

Ula ong ba kat kum ka office memorandum ba 11 tarik Jylliew 1973, ka rta bah eh duh ban rungkam Sorkar bala kyntiew naka 25 sha ka 27 snem la nang pynjynsur shuh shuh sa 5 snem na ka bynta ki nongwadkam kiba dei ki Scheduled Tribe bad Scheduled Caste.

U Myntri Rangbah ula ong ba ka Sorkar na ka por sha ka por kala ioh ia ka jingtyrwa ban kyntiew ia ka rta thungkam na ki tyllong bapher bapher bad haba shong bishar bha, ka Tnad Personnel & AR (A) lyngba ka Office Memorandum ba 3 tarik Rymphang 2022, kala pynmih ia ka jingpynbna ban pynheh ia ka rta ba hehduh ban iohkam Sorkar na ka 27 sha ka 32 snem bad pynjlan sa 5 snem ia ki nongwadkam kiba dei ki Scheduled Tribe bad Scheduled Caste.

Share post:

spot_img
spot_img

Popular

More like this
Related

Khang ki dukan ha Nongpoh ban ai burom khatduh ia u Maheh Dr.DD Lapang

Nongpoh, Nailur 15: Katba ka Jylla Meghalaya ryngkat bad...

Suba sdien phasi ka Longkmie hadien ba pyniap iala ki Khun ha Top Cem

Jowai, Nailur 15 : Kawei ka Longkmie la suba...

Thung ki Pulit ia ka SIT ban tohkit halor ka jingiap I Khynnah ha Nongrah

Shillong, Nailur 15 : Ka Tnad Meghalaya Police kala...

Sngewkhia ka BJP halor ka jingjia ia i Heprit ha Nongrah

Shillong, Nailur 15: Ka Meghalaya Bharatiya Janata Party (BJP)...