Shillong, Naitung 14 : U Myntri ki kam ialehkai ka Jylla Bah Wailadmiki Shylla ha ka sngi Ba-ar ula ong ba ka Meghalaya kala don ha ka lynti ban pyndep noh ia baroh ki jingtei jong ka National Games hapoh u bnai Nohprah lane Kyllalyngkot.
Ula pyntip ba ka Sorkar kala mang ia ka song pisa na ka bynta ki Association ba kin phah shabar ia ki nongialehkai ba kin ioh jinghikai, hynrei kala ieh pat ha ki ba kin shim rai.
U Myntri ula bynrap ba ki jingpynkhreh kila iaid bha bad ka jingmang pisa ba thymmai na ka bynta ban pynlong ia ka National Games kala kiew ia jan kot T.600 klur.
