Ka Shlem ka dei ka lad pathai khubor Khasi ba laitluid ban pynmih da ka kor digital ha ka Jylla bad kan dei ka rynsan kaba thmu ban ailad iaki Nongthoh jingthoh bad Nongiathuh khana ka Ri-lum Khasi Jaiñtia ba kin pynsaphriang bad pashat ia ka jingnang ka jingtip ka jong ki lyngba ka thoh ka tar sha ka imlang sahlang. Ia kane ka kor pathai khubor la pyllait paidbah ha ka 1 tarik Jylliew 2022 bad ngi don ka jingngeit ha ka jingtreikam ban iapathai ia ki khubor halor ki jingshisha, kiba don ka jingmut bad ki bym don satia kano kano ka jingiashah liang.
Kum ka jingsdang, ngi dang pyrshang mynta ban ai sha phi tang ia ki khubor ba manla ka sngi ka ban long ha ka Ktien Khasi kaba dei kawei na ki Ktien ba kren da kiba bun eh ki Nongshongshnong ka Jylla Meghalaya, hynrei suki suki ngin sa nang pyn-ïar ia ka lyngkha treikam jong ngi lyngba ki khubor Video ki ban sa pynmih ha ki rynsan jong ki Social Media kum ka You Tube, Face Book bad Instagram. Ka thong jong kane ka web portal jong ngi ka long eh ban ai sha phi ia ki khubor bad ki jingtip kiba kynsai, ki dur ki dar bad ki khubor video.
La pynwandur ia kane ka web portal da ka jingmut ban wanrah lang ha kawei ka rynsan ia baroh ki nongthoh.Ha kane ka juk ba mynta, ka kor digital ka dei kaba la ai ha ngi ia ka rynsan hynrei namar ka jingduna ki nongkyrshan pisa bad ka jingbym thikna ha ka jingpynmih pisa, ki nongthoh bad ki nongiathuh khana jong ngi kim shym la ioh satia ia ka kabu ban sei pyrthei ia ka jingnang ka jingtip jong ki lyngba ka thoh ka tar. Ngi ha ka Shlem, ngi don ka jingngeit ba ka jingiathuh khana ka dei shibynta na ka kolshor jong ngi bad ka jingbuh jing thoh ia kine ki jingiathuh khana kan pynlong ia ki nongthoh ba kin ioh ia ka rynsan ha kaban iasam ia ka jing nang jingtip jong ki sha ka Pyrthei baroh kawei..
