Yn pynlong jingiakhih ki ar seng namar ka jingslem ban pynmih ia ka resol DSC

Date:

Share post:

Nongpoh, Rymphang 26: Ka Ri Bhoi People’s Council (RBPC) bad ka Meghalaya People Social Organization (MPSO) hynne ka sngi Nyngkong, kila pynbna ba kin pynlong ia ka jingiakhih da kaba shong kyllain mungor naduh ka 4 tarik u Lber namar ka jingpynslem ban pynmih ia ka Resol thungkam jongka DSC.

Kine ki ar tylli ki sengbhalang kila pynbna ba kin shong kyllain mungor ha ka jaka pyrshah ka ophis u Deputy Commissioner ka Ri Bhoi District bad ka daw kadei hadien ba ki bor district kim shym la patiaw iaka jingdawa ban pynbna noh iaka resol thungkam ka tnad DSC kaba la dei ban pynlait naduh u snem 2021-22.

U President ka RBPC u Samla Jayson Lenox Nongrum ula ïathuh ba wat hadien ba bun tylli ki kynhun sengbhalang kila leit ïakynduh ïa ki bor pynïaid District ban dawa pynbna noh ïa ka result DSC hynrei haduh kane ka khyllipmat kam shim la don satia kano kano ka jingshimkhia na ki bor khmih jongka DSC.

Ula ïathuh, ba ka seng kala dep ai jingmut ïa u Chairman ka DSC ban thung ia u Nongaiktien ne Spokesperson ban pynshai sha ki paidbah halor ka jingslem ban pynmih ïa ka resol bad u Chairman ula pdiang ïa kane ka jingai jingmut, hynrei haduh mynta kam shim la don kano kano ka jingshimkhia halor kane kajingdawa ruh.

U President ka RBPC ula ïawer ïa baroh ki samla kiba wadkam wadjam bad ki kmie ki kpa kiba don ka jingsngewkhia ba kin wan ban ïasnohkti lang ha kane ka jingiakhih ban dawa ïa ka sorkar ba kadei ban pynmih noh mardor ïa ka resol DSC.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...