-->

“Ki kyntien jong nga ki long ia ki nongialam, ym ki nonghikai” : Khleh politics ka jingiakhih ka KJDSTA, ong u DyCM

Date:

Share post:

Balei iakhih ha ka por long eksam, maham ba u Naiwieng un nym wan shuh

Shillong, Naiwieng 18 : U Symbud Myntri Rangbah Bah Prestone Tynsong ha ka sngi Balang ula nang shut nep shuh shuh ia ka jingkynthoh pyrshah ia ki nongialam ka Khasi Jaintia Deficit School Teachers Association, haba khot ia ka jingiakhih jong ki kum ka jingleh politics bad kynnoh ba kila iapein ia ka eksam ki samla tang ban pyniaid ia ki jingthmu jong ki ba shimet.

Ha kajuh ka por, ula kyntu ia ki nonghikai, da kaba ong ba ki jingkren jong u, ki dei kiba la pyn sngew thuh bakla bad kam dei satia kaba thmu ia ki.

“Nga la iohi ba kila don ki jingkynthoh bad ruh ki jingsngewsih ha ka Jylla jong ngi” ong u bah Prestone haba bynrap ‘Ka jingkren jong nga ha ka jingialang kam dei kaba nga kdew kti ia baroh ki nonghikai baieid bad ba don burom ha ka jylla jong ngi, kiba dei shisha ki jingpyntyllun ia ka pateng jong ka Jylla”.

Ula ong ba ka jingkren jong u hi ka long kaba shai.

“Kaei kaba nga kwah ban kren shai hangne ka long ba kane ka dei ka jingkynnoh ba long beit beit pyrshah ia ki nongialam jong ka KJDSTA, kaba Nga iohi ba kala kylla long politics, bad phi ruh phi iatip bha ia baroh ki mat iakhih jong ki” ula ong.

Advertisement

U Bah Prestone ula ong ba ka Sorkar kala iakren bad kane ka Assocaition ha bun ki jingialang, ki jingiakhih bad ki jingai dorkhas, bad kala pyrshang ruh ban pynbeit ia ki mat jingdawa jong ki kawei hadien kawei. Watla katta, u ong, ki nongialam kila jied ban pynbor ia ki nonghikai ba kin iamih sha surok.

“Ka jingkren jong ngi ka long beit beit sha kito ki nongialam kiba pynbor ia baroh ki nonghikai ba kin iamih sha surok” ula ong.

Haba pynpaw ba baroh ki don ia ka hok ban iakhih, ula ong “Ha ka synshar paidbah phi don ia ka hok ban leh ia kata. Hynrei kawei ka kam kaba nga buh jingkylli sha kito ki nongialam, ha kum kane ka por long eksam, ki khynnah skul kila trei shitom baroh shisnem, bad kiei ki Kmie Kpa ki bym kwah ioh kheit ia u soh ba shisien shisnem, ha kum kane ka por ba ngi kwah pynkut ia ka samoi pule ba shisnem, phi wan sha surok ban iakhih halor kito ki mat jingdawa”.

U Bah Prestone ula ong ba ki mat jingdawa ki lah ban dei kiba shonghok, hynrei ka por jong ka jingia khih kala pynkhuslai ia ki nonghikai bad pynduh mynsiem ia ki khynnah skul.

“Balei phim pyrkhat lang ia ka jingkhuslai ki Kmie Kpa, balei bap him pyrkhat lang ia ka jingkhuslai ki khynnah skul, kiba hap ialeh ia ka exam final, kiba dang pyrkhat ban leh bha, hynrei haba iohi ia kine kiei kiei kiba jia ha surok, kala pynduh mynsiem ia ki bad ktah bha ia ki” ula ong.

U Bah Prestone ula phah ruh ia ka khubor kaba tyngeh sha ki nongialam : Pyndep shuwa ia ka eksam.

“Ai ba ka eksam an iaid beit iaid ryntih, ai ba ki Kmie Kpa kin khmih lynti ban ioh kheit ia u soh ka jing trei shitom ki khun, bad ia kiwei kiwei ki kam, hadien ka eksam, kano kano ka jingiakhih kaba phi kwah ban leh, phi lah ban pyniaid shakhmat kat kum ka ain, ka Sorkar kan pdiang beit ia ka” ula ong.

“Phi ki nongialam, phi la pynbor ia ki nonghikai ban mih sha surok bad ieh ia ki kam kiba kyntang, ki kam ba don burom jong ki, bad ki kam ki ban ktah ruh ia ka lawei jong ki khynnah skul, ki kmie kpa bad ki longiing longsem” ula ong.

U Bah Prestone ula ong ba ia ka jingkren jong u lah iamait khnang da ki nongpynsaphriang paidbah ia ki video khnang ban pynmih ia ka jingsngewthuh bakla.

“Ki don ruh ki riew shimkabu kiba la mait ia ka bynta jong ka jingkren, kila shim tang ia kito ki kyntien. Ngam sngew pher satia, ka biang biang, phi lah ban shim tang kato ka bynta, hynrei kynmaw ka jingshisha kan ieng kumba Nga la kren” ula ong.

“Nga long kumne kumba nga long mynta namar ki nonghikai baieid jong nga, kiba la saindur ia ka jingim jong nga haduh mynta” ula ong. “Nonghikai baieid, wat sngewthuh bakla ia nga, Ngam don jingthmu ban kren ia kito ki kyntien ba kin pynmong iano iano”.

Haba kylli ba u khot ia kane ka jingiakhih ba kala khleh politics, u Bah Prestone ula kdew ia ka calendar.

“Lada phi don ia ka jingkitkhlieh kum ki nongialam jong ka association, balei ba phim pynsangeh shuwa ha u bnai Naiwieng bad ap haduh ban da kut ka eksam, khnang ba ki kmie kpa bad ki khun jong ki, kin lah ban leit da kaba sngewsuk haba sdang ka shuti, bad phin ioh ruh ia ka jingkyrshan na ki kmie kpa bad ki khynnah?” ula buh jingkylli.

“Hynrei ka rai jong phi ban iakhih ha kum kane ka por bala sdang ki eksam, Nga sngew ba ka don kaei re kaei ha lyndet. Kumta, Nga kyrmen da ka jingsngewrit ia ki nongialam kane ka Seng ba kin pyrkhat biang” ula ong.

Share post:

-->
spot_img

Popular

More like this
Related

Assam | Dawa u Heh VHP ia ka ain ba khang pynkylla niam ha Assam | Kyrshan ia ka UCC Bill

Guwahati, Naiwieng 18: U National President ka Vishwa Hindu...

Thalain ka UDP Youth Wing ba kynnoh ‘kruin’ u DyCM ia ki nonghikai

Shillong, Naiwieng 18: Ka UDP State Youth Wing kala...

Kaweh ki lama iong ha ki College ka Jylla | Kyrshan ka MCTA ia ki nonghikai deficit

Shillong, Naiwieng 18 : Ki Nonghikai College ha kylleng...

Prestone’s “termites” jibe draws fire from UDP youth wing

SHILLONG, NOV 18: The UDP State Youth Wing has...