Shillong, Jylliew 04 : U Myntri kam Pohiing ka Ri Amit Shah ula pyntip ia ka Khasi Author Society (KAS) ha ka sngi Palei ba ka ktien Khasi ka dei kawei na kiba bun ki ktien ki thylliej ba dawa pynrung ha ka 8th Schedule bad bynrap ba ka Sorkar kala shimkhia bha ban bishar ia ka jingdawa.
U President ka KAS Dr DRL Nonglait, uba dei ruh u kyrtong ka NPP ha ka elekshon shiteng samoi ban wan jong ka Shillong Lok Sabha, ula iakynduh ia u Amit Shah ha Shillong hadien ka jingpan por ban iakynduh ha ka khyllip mat ba khatduh lyngba ka Ophis u Myntri Rangbah ka Jylla.
“Ka dei tad hynin ka miet ba ngi la ioh jingtip na ka Ophis u Myntri Rangbah ba u Myntri kam Pohiing Amit Shah ula wan sha Shillong” ong u Dr Nonglait haba iathuh “Ngi la kyrpad ia ka Ophis u CM ban pynioh por lem ban iakynduh bad ngi sngewnguh shikatdei eh ba ngi ka ioh iakynduh ia u”.
Ka kynhun kala pynkynmaw ruh ia u Amit Shah ia ka jingiai tynruh jong ka synjuk ban ioh jingithuh ia ka ktien Khasi.
“Ngi la pynkynmaw ia u ba ngi la aiti ia ka dorkhas ba nyngkong ha u Kyllalyngkot 2021 bad iakynduh ia u hangne ha Shillong ha u Naitung 2021” ong u Dr Nonglait.
U bynrap ba kila batai bniah ia u Amit Shah halor ka jingithuh ka Sorkar Jylla ia ka ktien Khasi kum ka Official Language. “Ngi la pyntip ha u ba ka Khasi kala long kawei na ki Official Language ka Meghalaya lyngba ka Meghalaya Languages Ordinance 2026, bad kyrpad ia u ban shimkhia bha ia kane ka kam bad, lada long kaba lah, ban wanrah ia ka bill ka Sorkar ha Parliament”.
Kat kum ka jingong u Dr Nonglait, u Amit Shah ula mynjur ia ka jingbun jong ki jingdawa. “Ula iathuh ha ngi ba ki don bun ki ktien ba dawa pynrung ha ka 8th Schedule bad ong ba ka Sorkar kala shimkhia bha ia kane ka kam. Ka Ministry kan sa khmih ia kane” ula ong.
“Ula pynpaw ruh ba ka ktien Khasi ka dei kawei na kiba bun ki ktien kiba la don ha ka thup” bynrap u Dr Nonglait.
“U khlem pynpaw ia ka por, hynrei u Amit Shah ula kular ia ka kynhun ba kane ka kam kala don hapoh ka jingbishar” ula iathuh
La 8th Schedule haduh mynta kala ithuh ia 22 tylli ki ktien. Ka jingithuh kan pynlah iaka jingpyndonkam ia ka ktien ha ki kam ka Sorkar kynthup ha ki eksam ka Union Public Service Commission (UPSC) bad pynthikna ia ka jingdon nongmihkhmat ha ka Official Languages Commission.
 ha ka sngi Palei ba ka ktien Khasi ka dei kawei na kiba bun ki ktien ki thylliej ba dawa pynrung ha ka 8th Schedule bad bynrap ba ka Sorkar kala shimkhia bha ban bishar ia ka jingdawa.){kind=link}