Shillong, Jylliew 04 : U Myntri Rangbah ka Jylla Conrad K Sangma ula kyrpad ia u Myntri kam Pohiing ka Ri Amit Shah ban pynkhlain ia ki lad ki lynti ha kaban tehlakam ia ka jingwan rung ki mynderri hapoh ka Jylla, haba pyni ia ka jingdawa bala sahteng la slem bha ban pyntreikam ia ka Inner Line Permit (ILP) ha Jylla.
Presented a memorandum to Hon’ble Home Minister Shri @AmitShah ji, highlighting key concerns and requests of the State:
1. Strengthening Mechanisms to Check Illegal Immigration
Expressed our concerns regarding illegal immigration into the State and urged the GoI to establish an… pic.twitter.com/C8MDnXlkNd— Conrad K Sangma (@SangmaConrad) June 4, 2026
Ha ka jingiakynduh bad u Amit Shah ha Shillong ha ka sngi Palei, u Conrad ula aiti ia ka dorkhas ba kdew ia bun ki jingsngewkhia ka Jylla, kynthup ka jingwan rung bein ki mynder ri, ILP, ka jingithuh ia ka ktien Khasi bad Garo da ka Riti Synshar ka Ri, ka jingtyrwa ban pynkylla ia ka Sixth Schedule bad ka jingpynkylla ia ka Foreign Contribution (Regulation) Act (FCRA).
Halor ka jingwan rung ki mynder ri, u Myntri Rangbah ula ong ba ka Meghalaya ka donkam ia ka ain kaba kham treikam bha ban pyrrkhing ia ka jingwan rung ki briew nabar bad khanglad ia ka jingrung beain ki mynder ri. Ula kren halor ka Meghalaya Residents Safety and Security Act (MRSSA) bad ka Inner Line Permit (IL)-kiba baroh artylli la kyrshan da ka resolution bala mynjur da ka Iingdorbar Thaw Ain ka Jylla-ka atiar kaba lah ban pynkhlain ia ka jingpeitthuh bad jingpyrrkhing.
Ka dorkhas kala kyrpad ruh ban pynrung noh ia ka ktien Khasi bad Garo ha ka khyrnit ba phra jong ka Riti Synshar ka Ri-ka jingdawa kaba la sahteng la slem, ka ban pynskhem ia ka jingithuh kum ka Official Language bad ban pynkhlain ia ka jingialeh ban pynneh bad pynriewspah ia kine ki ktien tynrai ka Jylla.
U Conrad ula kyrpad ruh ia ka Sorkar Pdeng ban pynlong ia ka jingiakren bad ki Jylla ka thain Shatei Lam Mihngi hashuwa ban pyniaid shakhmat bad kano kano ka jingpynkylla ia ki kyndon ka Sixth Schedule, haba ban jur ba dei ban pynkhlain ia ka jingiada ia ki riewlum bad ka rukom synshar ba laitluid ban ia kaba pyntlot bor.
U Myntri Rangbah kila pynsngew ruh ia ki jingsngewkhia bala pynpaw da ki seng bapher bapher haba iadei bad ka jingpynkylla ia ka FCRA, khamtam ka kynti kaba lah ban ktah ia ka jingtreikam jong ki bad ki jingdon jingem.
Hadien ka jingialang, u Conrad ula ai khublei ia u Myntri Kam Pohiing namar ka jingshah skhor bad pynpaw ia ka jingkyrmen ban don ka jingmih kaba sngewtynnad halor kine ki mat kiba la pynpaw hakhmat jong u.
 ha Jylla.){kind=link}