Gangtok, Jymmang 20: Ki shipai Indian Army kila leit ban pyllait im 500 ngut ki nongshang sawari kiba sahkut ha ka jingtwa khyndew bad khangdam ka surok ha ki thain Shatei ka Sikkim.
Kine ki nongshang sawari kiba leit sha Lachung bad Lachen Valley, kila sahkut ha Chungthang namar ka jingtwa khyndew bad jingkhangkut ia ka surok da ka khyndew ha lynti ba ki dei iaid lyngba.
Kane ka jingtwa khyndew kala wan jia hadien ka jingther u slap ha ki thain Lachen, Lachung & Chungthang hynnin ka sngi Thohdieng.
Kine ki nongshang sawari ki kynthup ia 216 ngut ki shynrang, 113,ngut ki kynthei, bad 54 ngut ki khynnah.
Ki shipai kila ai bam ai dih ia kine ki nongshang sawari nalor ki jain syaid bad kila ai jaka pynjah thait ruh ha ki barrack jong ki ba kin thiah ha ka por mynmiet.
Halor ka jingkyrpad na u SDM Chungthang, ki shipai ka Trishakti Corps Indian Army kila leit ban ai jingiarap bad ialam ia kine ki nongshang sawari sha ki jaka ba shngain.
