Byrngem ka ACHIK ban tan sha Iingkashari Supreme Court ia u Bah Ardent Basaiawmoit

Date:

Share post:

Shillong, Jymmang 19 : Ka Achik Conscious Holistically Integrated Krima (ACHIK) hynne ka sngi Thohdieng, kala byrngem ban tan ia u President ka Voice of the People (VPP) bad MLA ka Nongkrem Bah Ardent M Basaiawmoit sha Iingkashari Supreme Court lada duh ki paid Garo ia ka hok ba dei ban ioh kat kum ka Job Reservation Policy wat tang 0.01%.

Ka ACHIK kala ther tyngeh ruh ia une u Nongialam ka VPP halor ka jingkynnoh leh drama na ka ishu ba dei bad ka Job Reservation Policy.

“Ngi shem ba kam pynsngewtynnad satia ba u MLA ka VPP ula leh drama halor ka kam jong ka Job Reservation Policy” ong ka General Secretary ka ACHIK ka Advocate Bernita R Marak ha ka kyrwoh.

Haba pynpaw ba kano kano ka rai bala pynmih da ka Iingkashari ka dei ia kaban tynjuh tang ha ka Iingkashari, ka Bernita kala ong “Lada u Bah Ardent Miller Basaiawmoit u sngew ba u don sha ka liang kiba shah ktah, u dei ban leit mudui shisyndon sha ka Iingkashari Supreme Court halor ka Job Reservation Policy. Lada don kiba sngew shah ktah da ka hukum lane ka policy, ki long kiba laitluid ban leit sha Iingkashari Supreme Court ha ka jaka ban kynshoit ia ka jingsngew pher jaidbynriew ka bym sngew iahap satia”.

Ka Bernita kala ong “Kane ka ishu kam dei satia ka jingiapher jaidbynriew lane ka ishu ban wanrah ia ka jingiakynad pher jaidbynriew namar ka kam hi ka iadei bad kaei kaba dei bad kaba bakla, ka jingbym lah shiliang bad ka hok”.

‘Ka ACHIK ka sngew ba lada u Bah Ardent Basaiawmoit u sngew ba 60-80% ka Job Reservation Policy ka dei kaba hap ioh ia kaba la kyntait, u long uba laitluid ban leit mudui sha Iingkashari Supreme Court halor kane ka kam haka jaka ban shu leh drama ban pynkhihwin. Ka ACHIK ka sngew ba ula shim ia kane ka ishu bad leh kumba ak phlim tang ban pynbyrngia, haba u tip ba u don ia kiwei pat ki lynti” kala ong.

“Ka ACHIK ka maham ba lada u Bah Ardent u lah ban pynkylla wat tang 0.01% iaka hok ba dei ban ioh da ki jaidbynriew Achik na ka Job Reservation Policy, ka Iingkashari Supreme Court kan dei ka jaka kaba ka ACHIK kan iakynduh ia u” ong ka Bernita.

Share post:

spot_img

Popular

More like this
Related

IED explosion rocks Jiribam, no casualties reported

Imphal, Mar 29: Ahead of Lok Sabha elections, a...

Villager killed in elephant attack near Garobadha

Tura, March 29: A villager has lost his life...

Thalain ka SPC ia u President ka VPP ba kynthoh ia ka burom ka ijot ki Nongthoh khubor ka Jylla

Shillong, Lber 28 : Ka Shillong Press Club (SPC)...

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...