Shillong, Risaw 03: Hadien katto katne sngi ba la sei pyrthei ïa ka jingkynnoh lum pisa be-aiñ jong ki pulit ha Mawkhanu bad Thangshalai, ka Khasi Students’ Union (KSU) ha ka sngi saitjain ka la leit wah banner ha kylleng ki ki thain Motphran bad kiwei ki bynta jong ka nongbah Shillong, da kaba thmu ban kynthoh pyrshah ia u Superintendent of Police jong ka East Khasi Hills u Bah Vivek Syiem.
Haki banner, ka KSU kala dawa na u SP ban shim iaka jingkitkhlieh, ban kem bad pynngat kyndon ia ki heh pulit kiba bamsap.
Ha kawei na ki banner, ka KSU kala buh ka jingkylli ia ka jingbat slem jong u SP ha ka juh ka District, da kaba ong, “Mr. Vivek, phi la sah slem palat ha kajuh ka District, sngewbha leit sha kiwei ki District bad sngewbha leit sha Garo Hills.”
Haba pynmih ia ki jingkylli halor ka jingpynpra ia ki sem lum pisa beain, ka banner ka thoh, “Nangno u SP u ioh ia ka bor ban hukum ban pynpra ia ki sem lum pisa, Katkum ka ain, kine ki jaka kidei ka jaka leh kam sniew bad ym lah ban pynpra kumta khlem da pyndep ia ka jingtohkit.”
Kawei ka Banner kala kynthoh tyngeh ia u SP daka ba thoh ” “Vivek Vivek, Yes Prestone, Extorting money, Yes Prestone, Where’s my share, Here! Here! Here!”.
Haba dawa ba u SP udei ban mih noh naka kam ban pynthikna ia ka jingtohkit kaba hok bad kaba khlem shah liang, ka KSU haka banner ka la thoh, “Pynshisha ba phim don bynta ei ei bad kata ka kam lum pisa, da kaba hiar shuki na ka kam SP ban ailad ia ka jingtohkit kaba laitluid bad kaba khlem shah liang”.
Ha kawei pat ka Banner, ka KSU ka la buh iaka jingkylli, “U Bah Vivek Syiem u dei ban shim ia ka jingkitkhlieh, hato phi la matlah, haba kiwei ki la pynpaw pyrthei, mynta phi leh ak lyngngoh?”
Kiwei ki Banner baka KSU kala thoh kadei “Kem ia ki pulit ba bamsap, Pynngat kyndon ia ki pulit ba bamsap.”
Kane ka jingtah Banner ka long hadien ka jingpynpaw pyrthei jong ka KSU dang shen kaba la kynnoh ba ka don ka jinglum pisa beain na ki trok haka surok Mawkhanu bad Thangshalai.
