spot_img

Pyllait im ki Pulit Garo ia ka Kmie bad ia I Khun ba shah rahbor na Jylla Assam

Date:

Share post:

Tura, Naitung 03: Ki Pulit ka West Garo Hills kila ioh ban pyllait im kawei ka Longkmie bad I Khun ba dang shisnem shiteng na ka kti jong ki Nongrahbor hynnin ka sngi saitjain na Jylla Assam.

Ia kine ki shikmie shikhun la ioh ban pyllait im na kawei ka Iing kaba la pyndonkam ban set ia ki. Kine ki shikmie shikhun ki dei kiba la shah rahbor na Iew Rongkon kaba don marjan ka Phulbari, naduh ka 20 tarik u Jylliew, 2022.

Ki Pulit ka Ri-lum Garo haba ioh jingtip ia kane ka jingjia ha ka 22 tarik Jylliew, kila register mardor ia ka case ha Tura Women Police Station hapoh ka kyndon 366/34 IPC bad la aiti ha ka Women Police Sub Inspector Chemetengsil A Sangma ba kan khlieh ia ka jingtohkit.

Ha ka jingtohkit, kane ka Heh Pulit kala shem hynnin ka sngi ba ia kine ki shikmie shi khun la rahbor sah Dhubri District ka Assam bad la setkut ia ki ha kawei ka jaka bala tip kum ka Beltuli kaba hap hapoh ka Bilasipara Police Station.

Mar kumta hi, ki Pulit ka West Garo Hills kila pynlong ia ka jingkhynra hynnin ka sngi lem bad ki Pulit ka Dhubri bad kila ioh ban pyllait im ia kine ki shikmie shikhun bad ioh kem ruh ia uwei u briew uba donkti ha ka jingrahbor.

U Superintendent of Police ka West Garo Hills u Vivekandand Singh Rathore, ula iathuh ba ia une u Nongrahbor la kyrteng u Moni Zaman ba 23 snem uba dei na Shyamding, Phulbari. Ia kine baroh lai ngut la wan ialam noh sha Tura hynne ka sngi bad ia une u nongrahbor la ialam tian bishar sha Iingkashari.

Une u Heh Pulit u iathuh ruh ba ha ka jingtohkit ki Pulit la lap ruh ba une u nongrahbor ula byrngem byrsit ia kane ka kynthei bad ia ka iing ka sem jong ka na ka por sha ka por. Ula pynmih ruh ia ka jingkulmar ha ka dukan jong u Kpa kane ka Kynthei myn ha ka 31 tarik Lber 2022, 8 tarik Iaiong 2022 bad 9 tarik Iaiong 2022.

Halor kane, ki Pulit ka Women Police Station kila pynngat ia une u runar ha kawei pat ka case hapoh ka kyndon 354/447/506 IPC bad ia kane ka jingtohkit la khlieh da ka Women Police Sub Inspector Tanya C Marak.

La pyntip ba ki Pulit ka Women Police Tura kin sa chargesheet noh shen ia une u runar ha baroh artylli ki case.

Namar ka jingjur ki kam khaii briew bad ki kam bymman lyngba ki kor internet, ki Pulit ka West Garo Hills kila pynlong ia ka prokram halor ka Cyber Crime & Human Trafficking hynnin ka sngi saitjain ha Bondukmali, Trikikilla.

Palat 200 ngut ki nongshongshnong kila wan iashim bynta ha kane ka prokram ban ioh ia ki jingpynshai halor ki jingma jong kine ki kam bymman bad kumno ban kiar ialade na ki. Ki Nongshongshnong kila pan jingpynshai ia ki bun ki mat halor kine ki kam bymman bad ki Pulit na Trikilla kila ai ia ki jubab bad hikai kumno ban tehlakam ia kum kine ki kam.

Share post:

spot_img
spot_img

Popular

More like this
Related

Thoh ka Sorkar sha ka UGC ban ithuh noh ia ka Captain Williamson Sangma University

Baroh ki College Sorkar bad ki Aided kin hap...

Kular ka DGP ban leh eiei halor ki nongpynkulmar shnong bad ki jingeh ki PWD

Shillong, Jymmang 30: Ka Director General of Police (DGP)...

Kurup ka Tnad Custom ia ka bniat hati ba khia 27 kilo

Shillong, Jymmang 30 : Ha ka jingkhynra pyrshah ia...

Kyndit ka KSU ba phah pyniasoh ka Sorkar ia ki College sha ka Williamson Sangma University

Shillong Jymmang 30: Ka Khasi Students Union kala pynpaw...
spot_img