Jingtwa khyndew ha Manipur: Iap 8 ki nong Assam, wan pynkit ka sorkar ia ki met na suin

Date:

Share post:

Guwahati, Naitung 3: U Myntri Sorkar ka Assam u Pijush Hazarika ula iathuh ba kumba phra ngut ki briew na Assam kynthup uwei u shipai, kila iap ha ka jingtwa khyndew ha ka jaka shna lynti rel ha Noney District ka Manipur.

U iathuh ba khat-ar ngut kiwei pat na ka jylla kynthup u engineer, ki dang jah haduh mynta.

Ka jingdon jong ki briew ba iap ha kane ka jingtwa khyndew ha Tapul yard railway construction camp ha Manipur myn ha ka miet sngi balang ka la kiew sha ka 25 ngut katba 35 ngut ki dang jah rngai.

I Hazarika uba lah poi ha Tupul hynnin ka sngi, ula ong ba ka jingwad ia ki briew ba dang jah rngai kala iaid shaid shaid haduh mynta.

Hadien ka jingjurip ia ka jaka ba twa, u Hazarika ula leit iakynduh ia kiba mynsaw na Assam, kiba shah sumar ha ki hospital ba don ha ka thain.

U Hazarika u pyntip ba ia ki metiap jong ki phra ngut ki briew kiba dei ki nongtrei jong kawei ka kompani na Assam bad uwei u shipai la wan ban pynkitnoh da ka liengsuin sha Assam.

“Uwei u engineer ka Railway bad 11ngut ki nongtrei jong ka kompani ki dang jah rngai. Lah ioh ban pyllait im ia 5 ngut ki briew bad arngut na ki, ki shah sumar mynta ha hospital, ula ong.

U Myntri Rangbah ha ka sngi thohdieng ula ai ia ka kyrteng ki 22 ngut ki briew na Morigaon district kiba leit pyntrei ia kane ka lynti rel.

U ong ba bun na ki briew na Assam kiba trei ha kane ka jaka ba twa ki dei na Morigaon bad kila leit bylla kum ki nongtrei jong ka kompani na Assam mynta la kumba 20 sngi eiei.

Share post:

spot_img

Popular

More like this
Related

Pynlong ka BSF ia ka Medical Camp ha South West Khasi Hills

Shillong, March 25: Ka 170 Bn ka BSF Meghalaya...

Pynhap pyrda ka UTSM ia ka Dorbar ki Vice Chancellor ban kyntiew ia ka pule dangle

Shillong, Lber 25: Ka National Conference jong ki Vice-Chancellors...

Niew u Conrad ia ka jingkob u Rahul Gandhi ia u PM kum ka kam bym sngew iahap

Halor ka jingshah mait kyrteng u Rahul kum u...

Mih paw biang ka jingpang Covid ha Assam hadien 4 bnai :Long husiar ka tnat ka koit ka khiah

Guwahati, Lber 25: Ka jylla Assam ka la sakhi...