spot_img

Hapdeng u slap, iaid rally ki Nongtrei ASHA ha Shillong

Date:

Share post:

Shillong, Naiwieng 16: Hadien ka jingpynkut iaki jingiakhih ha kiwei ki district, wat hapdeng ka jingther u slap bad ka jingkriat ka suin bneng, ki nongtrei ASHA hynne ka sngi Thohdieng, kila pynlong ka jingiaid paidbah ha nongbah Shillong.

Hashuwa kane ka jingiaid paidbah, ki nongtrei ASHA hapoh ka shatri jong ka Meghalaya ASHA Worker Union (MAWU) kila ialum marpyrshah ka Pine Wood Hotel bad kila iaid na shadien ka ingsah u Lat ka Jylla sha Lachumiere bad kila pynkut sha Madan Malki.

Ia kane ka jingiaid paidbah la pynlong daka East Khasi Hills District ASHA Association.

Hapdeng ka jingiaid paidbah, ki ASHA kila rah daki Placard bad kila pyrta daki kyntien pynrem iaka Sorkar Jylla halor ka jingkynnoh b aka sngap mynthi iaka jingdawa ki ASHA.

Lah ban kdew ba ki nongtrei ASHA hapoh ka Jylla naduh ka 6 tarik mynta u bnai, kila pynlong ka jingiakhih daka ba sangeh treikam halor ka jingkuman ka Sorkar Jylla ban kyntiew iaka bai nong naka T. 2000 shaka T. 5000 man u bnai.

Hynrei naka liang ka Myntri ka tnat ka koit ka Kong Ampareen Lyngdoh kala kren shai ba ka Sorkar kam lah ban kyntiew iaka bai nong ki ASHA namar ba ki dei tang ki nongtrei monsngewbha.

Share post:

spot_img
spot_img

Popular

More like this
Related

Maham ka SMB ia ki jaka khaii ban buh mar shabar ki dukan

Shillong, Jylliew 27: Ka Office Chief Executive Officer (CEE)...

Sha MUDA complex yn pynkynriah ia ki dukan madan | Dep ithuh ia 400 ngut ki nongshong dukan madan

Shillong, Jylliew 27 : U Nongaiktien ka Sorkar MDA...

Ka MRSSA kam dei ban bujli ia ka ILP, ong u Bah Paul halor ka jingtehlakam ia ka jingrung ki mynder

Shillong, Jylliew 27 : U Nongaiktien ka Sorkar MDA...