Shillong, Naitung 06 : Ka Meghalaya High Court ha ka sngi Nyngkong, kala buh rekod ia ki jingthmu (plan) jong ka Shillong Municipal Board ban ai ia ki Vending Certificate bad pynkynriah ia 85 ngut ki nongshong dukan madan ha Laitumkhrah, haba bthah ia ki nongmudui ba kin leit jurip ia ka jaka ba tyrwa ban pynkynriah ia kine ki dukan, kaba don ha Brightwell Bungalow.
Ka Division Bench jong ka Chief Justice Revati Mohite Dere bad Justice W Diengdoh kala pynmih ia ka hukum haba bishar ia ka thup ki PIL halor ka jingshong dukan madan.
Kat kumka affidavit u CEO ka SMB u PK Boro, la pyntip ba yn sa sam ia ki Certificate of Vending naduh ka 9 tarik Naitung haduh 10 tarik Naitung, 2026 ha Dhankheti-Malki, Laitumkhrah, Laban, Barik, Lumshatsngi bad Red Cross.
Ka Board ka pyntip ba ia ki CoV jong ka Laitumkhrah, Dhankheti bad Malki la dep ban pynkhreh bad la long bala khreh ban sam noh.
Na ka bynta ka Laitumkhrah, ka affidavit ka pyntip ba 86 ngut ki nongshong dukan madan la shem ba ki dei kiba don hok ban ioh shong dukan hadien ka jingleh survey bad ka jingbishar ia ki jingkam.
Napdeng kine, 22 yn sa pynkynriah sha ka Municipal Parking Lot ha Dhankheti bad 64 sha ka phyllaw ka Brightwell Bungalow kaba don marjan ka Survey of India.
Man ki dukan kin don ia ka jingeh ba 1.2mx1.8m bad la buh ban pyndep ia kane ka jingpynkynriah hapoh ka 11 tarik Nailar 2026.
Da ka jingmynjur, ia kane ka kam la buh ban bishar biang ha ka 13 tarik Naitung, 2026.
 jong ka Shillong Municipal Board ban ai ia ki Vending Certificate bad pynkynriah ia 85 ngut ki nongshong dukan madan ha Laitumkhrah, haba bthah ia ki nongmudui ba kin leit jurip ia ka jaka ba tyrwa ban pynkynriah ia kine ki dukan, kaba don ha Brightwell Bungalow.){kind=link}