Shillong, Naitung 07 : Ka Meghalaya High Court ha ka sngi Nyngkong kala aipor 7 sngi ia ka NHAI ba kan aiti ia ka kaiphod halor kaei kaba long ba man haba iadei bad mudui thied jaka, haba pyntip sha Iingkashari ba u Ophisar ka NHAI ba ngat ha ka jingbishar pynkhein hukum (contempt) ula don mynta ha ka kti jong ki CBI.
Ia kane ka hukum la pynmih da ka Division Bench ka Chief Justice Revati Mohite Dere bad Justice W Diengdoh hadien ka jingbishar ia ka mukotduma ba mudui da u (L) bah Kynjaimon Amse pyrshah ia ka NHAI bad kiwei.
U nongiasaid ka NHAI S Sengupta ula pan por shi taiew ban file ia ka affidavit ban ai ia ki jingtip ba khatduh sha Iingkashari halor kane ka kam.
Haba ailad ia kane ka jingkyrpad, ka Iingkashari kala bthah ba ia ka kaiphod dei ban aiti sha ka Registry hashuwa ka sngi shong bishar ban wan bad ban aiti lypa ruh ia ki copy sha baroh ki liang mamla.
Ka Iingkashari kala shimkhia ruh ia kaei kaba long ba man ia u Anand Singh Chauhan, ia uba la phah ia ka contempt notice ha ka 20 tarik Lber 2026.
U Sengupta u pyntip ia ka Iingkashari ba u Chauhan ula shah kem ha ka CBI ha ka 1 tarik Naitung, 2026, bad hashuwa kane, ula shah pynkynriah na ka PIU-Shillong sha PIU-Hanuman Ghat.
“Ha kano kano ka por ba la pynlait ia u un sa wan mih hakhmat kane ka Iingkashari” pyntip u Sengupta.
Ia kane ka mukotduma yn sa shong bishar biang ha ka 13 tarik Naitung, 2026.
 ula don mynta ha ka kti jong ki CBI.){kind=link}