Shillong, Naitung 6: Ki Pulit ha ka sngi Nyngkong, ki la ioh kem ia ki shijur ba kynthup ia u lok bad ka tnga ha ka jingiakhun pyrshah ia jingwan rung beain bad ka jingkhaii drok ha Shillong bad ioh kurup ruh ia u drok heroin na ki met jong ki.
U Superintendent of Police ka East Khasi Hills Bah Vivek Syiem, u iathuh ba ki briew jong ka Anti-Infiltration Drive (AID) bad Anti-Narcotics Task Force (ANTF) ki la talasi ïa ki 35 ngut ki briew ha ka 6 tarik Naitung, 2026 kum shi bynta ban khang lad ïa ka jingwan rung beain bad ka jingkhaii drok.
“Haba iohi ia ki pulit, katto katne ngut ki briew ki la phet krad noh,” ong u bah Vivek.
Napdeng kito kiba la shah talasi, baroh 35 ngut ki briew ki la pyni ia ki kot ki sla kiba la ioh na kiwei pat ki jylla.
Ki pulit ki la ong ba kine ki kot ki sla “ki donkam ban pynshisha na kine ki jylla.”
Ha kane ka jingkhynra jong ka ANTF ki la ioh kem ia arngut ki briew kiba la tip kyrteng kum u Rahim Ali (43) bad u Jaibanu (35). Ki pulit ki iathuh ba kila ioh kurup ia u jingdih buaid na kine ki shikurim.
Ha ka jingtalasi, ka ANTF kala ioh kurup haduh 116 tylli ki vials ba don bad u droks heroin ba khia 14.42 gram.
Ia kine ki briew la register case ha Sadar Police Station kat kum ka Case No. 242(7)2026 hapoh ki kyndon 21(b)/29 jong ka NDPS Act. Ka jingtohkit mynta ka dang iaid shakhmat.
