Dawa ki Nongshongshnong ka Jylla ban tohkit CBI bad ED halor ka jingtwa u Dome bad jaw um ka ISBT

Date:

Share post:

Shillong, Jylliew 22: Ki Nongshongshnong ka Jylla kila dawa ia ka jingtohkit jong ka Central Bureau of Investigation (CBI) bad ka Enforcement Directorate (ED) jong ka Sorkar Pdeng halor ka jingkhyllem jong u Dome ka Iingdorbar Thaw Aiñ ba thymmai ka Jylla ha Mawdiangdiang bad ka jingtrei torti ia ka Inter State Bus Terminus (ISBT) ba don ha Mawlai Mawiong.

Ia kane ka jingdawa ka buh lyngba ka jingujor sha u Chairperson ka Meghalaya Lokayukta da ki lai ngut ki Kynthei- Kong Agnes Phibalari Duia na Mawlai Kynton Massar, kong Basuklang N Khongwar na Lumsohphoh, Lower Mawprem bad kong Rosabadeishisha Sohkhlet na Jaiaw Laitdom. Ia kane ka jingujor la mudui da ka 10 tarik u Jylliew.

“Ngi la buh ia kane ka jingujor na ka bynta ka jngmyntoi u paidbah bad ngi kyrpad ia phi (Chairperson Lokayukta) ba phi leh eiei kham kyrkieh halor kane ka kam bad ruh ngi kyrpad ba phin mynjur ia ka CBI bad ED ba kin tohkit ia kine ki kam naba ka pisa ka dei kaba la bei da ka Sorkar Pdeng” kila ong.

Kine ki Kynthei kila ong ba kila mudui ia kane ka jingujor kum ki Nongshongshnong ba don ka jingkitkhlieh hadien ba ki suba jur kaba lah ruh ban kynthup ia ka jyrsieh bam sap bad jingiasuhbuit hapdeng ki riew saiñ pyrthei bad ki Ophisar ka Tnad PWD, Tnad Transport bad ka Meghalaya Legislative Assembly, ia kaba la khmih da u Bah Ransom Sutnga, Executive Engineer ka Tnad PWD (Building).

Ka jingujor ka ong ba ka jingtrei torti kala wanrah ia ka jingjaw um bad jingorpait jong ka ISBT kaba don ha Mawiongrim, kaba la paw pyrthei ha ka 13 tarik u Jymmang.

Nalor kane, ka jingujor ka ong ruh ba ka jingtrei torti ka dei kaba pynlong ia u dome jong ka Iingdorbar Thaw Aiñ ba dang shna thymmai ha Mawdiangdiang ba kan khyllem ha ka 23 tarik u Jymmang.

Haba kdew ia ki khubor ba mih ha ki lad pathai khubor, ka jingujor ka ong ruh ba ka don ka jingtrei tangdep ia ka jingtei jong ka Iingdorbar Thaw Aiñ kaba la paw na ka jingkhoh lut ka dewbilat jong ki paia tang da kaba khoh da ka kti.

“Kine ki jingtrei tang dep rukom kala pynpyrkhat baka don ka jingiabamsap kaba jur da ki riew saiñ pyrthei ba mynta bad ki Ophisar ba donkti, da ki Contractor kiba don jingiadei bad ki briew ba don bor ha ka Sorkar Jylla kaba khring ia ka kam bamsap kat kum ki kyndon aiñ kiba iahap” ong ka shithi.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...