Shillong Iaiong 25: Uwei u briew uba la don 40 snem ka rta ula khlad noh hadien ba la kynnoh ba ula shah thombor ha uba iatreilang ha Mawblei hynne ka step jong ka sngi Saitjain, la pyntip ki pulit.
Kane ka jingjia kala jia ha ka por kumba 8 baje mynstep, haba u Sumeet Kr Singha 40 snem ka rta uba na Mawblei la kynnoh ba ula shah thombor ha u Sanjay Kumar 42 snem ka rta uba iatreilang hapoh kajuh ka ‘building’ da kaba pyndonkam da ka ‘Board’ kaba don ia ka jingthoh “No Parking”.
Ki pulit kila kynnoh ba katei ka jingiashoh kala mih na ka jingiashrut hadien ba u Sumeet ula suba jur ba u Sanjay Kumar ula don ia ka jingiadei bad ka kurim ka jong u kaba la lam sha ka jingiania bad ka jingiashoh.
La ialam mardor ia u Singha sha Supercare Hospital hynrei ula khald noh shiteng lynti shwa ban poi ha hospital.
“Une uba shah kynnoh ula shah kem bad la rejistar case ia u halor ka kam pyniap briew” la ong ki pulit.
Ka jingtohkit mynta ka dang iaid shakhmat.
