Shillong, Jymmang 21:Dang step phyrngab ka skul Khasi Jaintia Presbyterian Girls Higher Secondary School kaba don ha Mission Compound, kala shah bamduh ha ki thylliej ding kiba la klang bha.
Ha kane ka jingjia kiba bun ki bynta jong kane ka skul kila kylla dpei bad kiba bun ki kamra skul kila julor lut.
Katkum ki jingtip kiba la iohlum la iathuh ba ha ka por kumba 2 baje kala don ka jingkem ding bad namar ba kane ka skul kaba bun ki bynta kadei da ka dieng kumta ka ding kala pur sted.
Haduh ba thoh ia kane ka khubor ym pat lah ban tip na kaei ka daw jong ka jingpluh bad ki bor pulit ki dang pynlong ia ka jingtohkit ban lap ia ka daw tynrai.
Lah ban ong, ka jingpluh jong katei ka skul kala buh mynta ha ka jingeh kaba khraw ia ki khynnah skul kiba leit pule ha katei ka skul.
