spot_img

Pynbna u CM ban iarap T.1 klur ia ka KJP ba pluh ka Iingskul ba 131 snem

Date:

Share post:

Shillong, Jymmang 21 : U Myntri Rangbah ka Jylla Conrad K Sangma, ula pynbna ban ai jingiarap daka song pisa ba T.1 klur ia ka skul Khasi Jaintia Presbyterian Girls Higher Secondary School, Mission, namar ka jingbam duh ka ding ia ka Iingskul hynne ka step phyrngap jong ka Sngi U Blei.

Ka Iingskul KJP Girls Higher Secondary School, kaba la tei naduh u snem 1892, kala kylla dpei hynne ka step phyrngap na ka jingbam duh ki thylliej ding kiba la klang ia kane ka Iingskul.

Haba ioh jingtip ia kane ka jingjia, u Myntri Rangbah ka Jylla Conrad K Sangma hynne ka step Sngi U Blei ula leit jurip ia ka jingjulor jong kane ka Iingskul.

Hadien ka jingjurip, u Myntri Rangbah ula pynbna ban ai T.1 klur n aka Chief Minister’s Special Development Fund ban tei thymmai pat ia ka Iingskul.

“Isangsot ban peit ia ka jingjulor ka skul KJGP Girls Hr.Sec School na kane ka jingpluh ding…Kane ka skul ka dei kaba don ka jingiadei ba kyrpang bad ka imlang sahlang bad kala ieng rasong mynta la palat 130 snem. Kane ka dei ka jingduhnong kaba khraw ia ki paidbah ka Jylla” ong u Conrad.

U Myntri Rangbah ha kane ka jingjurip, ula ioh ban iakren ruh bad ki samla pule, ki Nongialam Shnong bad ki Nonghikai ka skul.

Share post:

spot_img
spot_img

Popular

More like this
Related

Kyntait u Myntri ban thung jingtohkit ba kiew ka jingpynlut ia ka Ganol Hydro Project

Shillong Naitung 03: U Myntri ka tnad Bording u...

Pynkhreh ka Sorkar ban pynim biang ia ka MoU ban pyntrei ia ka Kynshi Hydro Project Stage-I

Shillong, Naitung 03 : Ka Sorkar Jylla kala pynkhreh...

Ioh ka MeECL ia ka Environmental Clearance ban pyntrei iaka Leshka Hydro project Stage-II

Shillong, Naitug 03 : Ka Leshka Hydro Power Project...