-->

“Nga la ap haduh arsnem shiteng, ka JAC kam ju wan” : ong u Bah Paul

Date:

Share post:

Shillong, Naiwieng 16: Ka Cherry Blossom Festival kan ym sangeh na ka jingiakhih bad ka jingiakhih ruh kan ym sangeh namar ka tamasa.

Kane kadei ka jingpynpaw u Myntri ka Tnad Jngohkai u Bah Paul Lyngdoh hynne ka sngi Nyngkong ha kaba ula kyntait ia ka jingsheptieng ba ka jingiakhih pyrshah ia ka Ropeway project ka lah ban ktah ia ka prokram kaban pynlong da ka Jylla.

Advertisement

U Bah Lyngdoh ula ong ba ka Sorkar kam shim la niew ia kane ka jinglong jingman kum kaba thymmai ne ka bym lah ban pynbeit. Man la ka snem ula ong, kala ai jinghikai ia ngi.

“Ngi la lah ban pyniaid ia ki kam ha kata ka rukom kumba nga lah sam sha phi, man la ka sien ba pynlong ia ka Cherry Blossom kala kylla long ka jingai jinghikai ia ngi bad ngi lah ban kyntiew ia ka rukom ha ki lad ban ai jingiada ruh” ula ong.

Ula pynwandur ia ka jingdon ia ka jingrakhe bad ka jingpyrshah kumba kadei kaba ju long kumba long, kam dei satia ka jingpulom ha kaban pynneh ia ka shongsuk shongsain̈.

“Lada phi leit ha kano kano ka nongbah ha ka pyrthei, phin don beit ba ha kawei ka liang kan don ka Jantar Mantar kaba don ka jingiakhih katba ha kawei ka liang phin don ia ki tamasa bad ki jingrakhe” ula ong bad ka bynrap “Kumta kata kadei ka jingim bad kam don satia kano kano ka jingartatien ba kiei kiei baroh kin long kiba iaid beit ryntih khlem kino kino ki jingthud”.

Advertisement

Haba kren la ka don ka lad ban iakren bad ka Joint Action Committee kaba ialam ia ka jingiakhih pyrshah ia ka Ropeway, u Bah Paul ula pynphai kylla ia katei ka jingkylli sha ki nongiakhih.

Ula ong ba ula iai ap ia ka jingwan iakren mynta lah 2 snem shiteng. Ym shim don mano mano ruh na ka JAC kiba la wan, kaba la shimkhia ia kane.

“Nga lah dep khot sngewbha ia kino kino ki kynhun ba kin wan, kim shim la wan lah 2 snem shiteng” ula ong. ” Nga don ha kane ka kamra ha Secretariat, nga iohi ia phi man la ka sngi tangba ngam iohi pat ia ka JAC ha kine ki 2 snem shiteng.”

Share post:

-->
spot_img

Popular

More like this
Related

Ka kajia Shillong Ropeway Project ka donkam ia ki riew shemphang ba laitluid, ym ka jingïatynjuh bor : KJCLF

Shillong, Naiwieng 16 : Ka Khasi Jaintia Christian Leaders...

Shillong ropeway row needs neutral experts, not a tug-of-war: KJCLF

SHILLONG, NOV 16: The Khasi Jaintia Christian Leaders Forum...