Guwahati, Jymmang 21: Ki pulit ka Assam kila ioh ban kem ia 10 ngut ki briew na Bangalmora, Lakhimpur District, kiba donkti ha ki kam khaii ksiar thok.
Kine kiba shah kem ki dei u Ainul Islam, Abu Khan, Anarul Islam, Anwara Begum, Nazmul Haque, Munnas Ali, Abed Ali, Tamir Ali, Mohidul Islam bad Ami Hussain.
Hadien ka jingioh jingtip, ka Kynhun ki Pulit na Biswanath bad Gohpur kila pynlong ia ka jingkhynra pyrshah ia ki nongkhaii ksiar thok ha ka thain Bangalmara ha ka miet Sngi Thohdieng bad ha kane ka jingkhynra, kila ioh ban kem ia ki briew kiba donkti ha kane ka kam ba be-ain.
“Ngi la ioh kurup haduh T. 6.60 lak ka pisa, 42000 ka pisa thok, kawei ka khun mynriew da ka ksiar thok bad san tylli ki mobile phone na kine ki briew. Ngi la sdang ia ka jingtohkit halor kane ka case” ong ki Heh Pulit.
Ki Pulit kila pynlong ia ka jingkhynra ha ka thain Bangalmora, Borchola, Mohghuli, Tinithengiya, Karunabari, Pandhowa kaba hap hapoh ka Nowboicha police outpost bad Laluk police station.
