-->

Ka kajia Shillong Ropeway Project ka donkam ia ki riew shemphang ba laitluid, ym ka jingïatynjuh bor : KJCLF

Date:

Share post:

Shillong, Naiwieng 16 : Ka Khasi Jaintia Christian Leaders Forum (KJCLF) ka la pynpaw ba ka jingïakajia kaba jur halor ka Shillong Ropeway Project kam dei ia ka ban pynbeit daka jingïatynjuh bor, hynrei da ka jingwadbniah kaba laitluid ki riew shemphang ki bym shah liang, kiba ia mynjur lang da baroh arliang mamla.

Ka KJCLF ka la pynpaw ba ka don ka jingsngewkhia kaba khraw halor ka jingpyrshah bad ka jingpynpaw jingbym hun jong ki paidbah halor ka Ropeway Project, khamtam eh na ki briew kiba shah ktah beit beit ha ka jingpyntreikam ïa kane ka projek kaba don ha ka thaiñ Riat Laban, ha ranab u lum Shillong.

Advertisement

Ha ka kyrwoh na u Secretary Rev. Edwin H. Kharkongor, ka Forum ka la ai jingkyrshan ïa ki kynthei bad ki kmie kiba la mih shakhmat ban pyrshah ïa kane ka projek namar ka jingsngewkhia halor ka jingkyrduh um.
“Ki nongïalam Khristan ki ithuh ïa ki sienjam ba don jingkitkhlieh jong ki kynthei bad ki kmie kiba la pynpaw ïa ka jingsngewkhia halor ka jingdonkam ban sumar bad pynneh pynsah ïa ki tyllong um, khnang ba ka Shillong bad ki thaiñ ba marjan kin dang ïoh ïa ka um kaba biang mynta bad ha ki por ban wan ruh kumjuh” ula ong.

Ka Forum ka la kdew ruh ba ki kynthei ki ju long kiba hakhmat eh ban pynpaw bad ban ïaleh na ka bynta ki ishu kiba ktah ia ka hok ban im ha ki jak aba shong briew bad kiwei ki jingthaw ba im” ula ong.
Ha kajuh ka por, ka Forum ka la ithuh ruh ïa ka jingthmu jong ka Sorkar ban wanrah ïa ka roi ka par bad ban pynmih kham bun ka jingïoh khajna na kane ka Ropeway Project, kaba ka Sorkar ka khmih lynti ba kan long kaba ïaryngkat bad kiwei pat ki projek kiba don shabar ka jylla. ka roi ka par kan ym lah ban urlong pura lada kam don ka jingpdiang bad jingïatreilang na ki paidbah.

Ka la ong ba na ka bynta ban pynurlong ïa ki kam pynroi, ka Sorkar ka dei ban shimkhia ïa ka jingmynjur jong ki paidbah nongshong shnong, namar ka jingïatreilang jong ki ka long kaba donkam bha ha ka rukom synshar paidbah, bad dei na ka bynta jong ki hi ba la thmu ïa kine ki projek pynroi.
Namar kata, ka KJCLF ka la kyntu ïa baroh arliang mamla kiba don ha kane ka jingïakajia ba kin bishar biang bad pynbeit ïa ka jingïapher jingmut ha ka rukom kaba ïasngewthuh jingmut, kaba suk bad kaba pynhun ïa baroh.

Advertisement

Ka Forum ka la ong ba watla kam don ka bor ban bishar bniah ïa ki jingmyntoi bad ki jingktah jong kane ka projek, hynrei ka ai jingmut ba dei ban jied ïa ka kynhun kaba lai kaba kynthup ïa ki riew shemphang kiba laitluid, kiba la mynjur lang da baroh arliang mamla.
Kane ka kynhun ka dei ban pule bniah ïa baroh ki liang jong kane ka projek, da kaba shimkhia ïa ki jingmut bad ki jingsngew jong baroh arliang mamla, bad hadien kata ban ai ïa ki jingai jingmut kiba lah ban pyntreikam.

Ka KJCLF ka la ong ruh ba kane ka jingpyrshang kan ïahap bad ka United Nations Water Conference 2026 kaba la buh ban long ha u bnai ban wan, kaban ïatai halor ka phang “Delivering the Water Action Agenda: From Commitments to Action”, kaba pynleit jingmut ha ka Sustainable Development Goal (SDG 6), kaba dei halor ka jingpynbiang ïa ka um kaba khuid bad ki jingdonkam ka khuid ka suba ia baroh.

Share post:

-->
spot_img

Popular

More like this
Related

Shillong ropeway row needs neutral experts, not a tug-of-war: KJCLF

SHILLONG, NOV 16: The Khasi Jaintia Christian Leaders Forum...

Pdiang ka Bazar bus association ia ka jingkhot iakren ka Sorkar | Kyntait ban kynriah

Shillong, Naiwieng 16 : Ka Khasi Hills Bazar Bus...

Bazar bus association welcomes govt talks, but says it will not shift

SHILLONG, NOV 16: The Khasi Hills Bazar Bus Association...