Shillong, Risaw 21 : Ki bor district ka East Khasi Hills, kila pynmih ia ka notice ban kyndang ia ki dukan harud ka surok Shillong-Dawki (NH-05), khamtam ha ki thain 4th Mile bad 7th Mile ha Upper Shillong, kum shibynta jong ka jingpyrshang ban weng ia ki jingkyntur ba khlem iohbor sha ki surok National Highway.
U Deputy Commissioner Abhilash Baranwal ula ong ba ki bor district ki dang bishar ia ki jubab bala aiti da ki nongshong dukan madan. Ia kine yn sa iashong bishar lang bad ka National Highway and Infrastructure Development Corporation Limited (NHIDCL) hashuwa ban shim ia kano kano ka rai ia kaei ka ban leh.
Kane ka sienjam ka dei kaba la shim halor ka jingsngewkhia ia ka shnong bala pynpaw da ki bor shnong ka thain bad ki jingpyn sngew jong ka Iingkashari Meghalaya High Court.
Nalor ka kam ban kyndang ia ki dukan, ki bor district kila bthah ruh ia ka tnad Excise ban pynlong ia ka jingleit khynra ia ki jaka bala ithuh, hadien ka jingioh khubor ia ka jingdie kyiad beain ha shilynter ka surok 4th Mile bad 7th Mile.
Ki Nongtrei ka Excise kila pynlong haduh 3-4 sien ka jingkhynra ban ioh kurup ia bun carton bad ki bitor thylli jong ka kyiad Indian Made Foreign Liquor (IMFL).
Ki bor district bad ka NHIDCL kin sa pyndep ia ka jingbisahr ia ki jubab jong ki nongshong dukan madan shuwa ban shim ia ka rai halor ki sienjam ban leh.
