Shillong, Nailar 31 : Ki Pulit ka East Khasi Hills ha ka sngi Nyngkong, kila ioh kem noh ia u nongtuh uba rung iing briew bad rong tuh ia ki jingdeng ksiar bad pisa ba T.10,000 na ka kyntoit Riatsohkhlur, kaba hap ha Nongkseh, Upper Shillong ha ka step sngi U Blei.
Ia une u nongtuh la ioh kem n aka thain Iew Ajmera bad da ka jingphla jong u, ki Pulit kila ioh kurup biang ia baroh ki jingdeng ksiar kynthup ki sohskhor, ka sati ksiar kaba ula buhrieh hapoh ka nala hajan ka 101 Area Bus Stand.
Une u runar u kyrteng u Evertumshine Eawphian, 24 snem ka rta.
Ia une u briew la ioh ban kem lyngba ka jingioh ring dur ki kor CCTV ha kane ka Iing ba u leit rung bad leh ia ka kam bymman.
Ki Pulit kila register case pyrshah ia u hapoh ka Lumdiengjri Police Station bad pynngat hapoh ka kyndon 106/2026 U/S 305(a)/331(4) BNS. Ka jingtohkit ia une u briew ka dang iaid shakhmat.
