Shillong, Nailar 26 : U Myntri Rangbah Conrad K Sangma ha ka sngi Balang ula ong ba ka Sorkar Jylla ka dang iai buddien bad iakren bad ka Sorkar Pdeng ban ai jingmynjur noh ia ka Meghalaya Residents, Safety and Security (Amendment) Bill, 2020 haba nang pynkhlain ruh ia ka jingpyntrekam ia ka MRSSA, 2016 bala don lypa.
Haba kren sha ki nongthoh khubor hadien ka jingialang jong ka Kynhun Myntri, u Conrad ula ong “Shibun ki jingiakren kila iaid bad ngi kyrmen skhem ban gin lahban pyniaid shakhmat ia ka MRSSA 2020 bad lah pyntreikam noh ia ka. Ngi dang ap mynta namar ki dang don katto katne ki kam ba hap pynbeit”.
U iathuh ba ki jingialang kila iaid ha ka kyrdan jong u Myntri ka Sorkar Pdeng, u Home Secretary bad u Chief Secretary.
Halor ka Act ba mynta, u Conrad u ong ba ka Sorkar kala nang pyniar ia ka jingpynrung kyrteng ha ki Shnong bapher bapher da ka jingiarap ki Khlieh Nongsynshar.
“Ngi la leh ia ka jingpynrung kyrteng ha kiba bun ki Shnong bad ki Rangbah Shnong kila iadon bynta lang. Ka jingpyniar ia ka jingpynrung kyrteng kala nang jia katba ngi dang iakren hangne” ula ong.
U Myntri Rangbah ula ong ba ka Sorkar kala shna ia ka Face Recognition Technology lyngba ki mobile ban weng ia ki jingeh kiba don.
“Kan long kaba suk bha ia ki Rangbah Shnong ban pyntrei ia ka namar lah ban leh lyngba kano kano ka mobile. Lem kumta kan donkam ia ka laptop, camera, data entry bad ka kamra. Ngi don haduh 6500 tylli ki Shnong, kumta ban ai ia ki tiar ki tar sha baroh ki jaka ka long ka jingeh kaba khraw bha” ula ong.
Ula bynrap ba ki kam kila nang iaid ban pyndep bad pyntreikam ia ki facilitation centre na ka bynta ki nongjngohkai, kaba dei shibynta jong ka Act 2016.
 Bill, 2020 haba nang pynkhlain ruh ia ka jingpyntrekam ia ka MRSSA, 2016 bala don lypa.){kind=link}