Shillong, Oct 10: U Myntri Rangbah ka Jylla u Conrad K. Sangma ula pynpaw ia ka jingsngewlem sha u Symbud Myntri Rangbah ka Nagaland u T.R. Zeliang bad ia ka iing ka sem ka jongu halor ka jingkhlad kynsan u khun jongu, u Kuchiheing Rangkau Zeliang, ia kaba la ju khoit ieid da u Kuchi.
U Kuchi ula khlad kynsan ha ka hospital ha Dimapur ha ka 9 tarik u Risaw. Ki jingsngewlem kila tuid na kylleng ki nongialam saiñ pyrthei bad ki riewpawkhmat kiba na kylleng kane ka ri.
Haba pynpaw ha ka rynsan social media X, u Conrad Sangma ula buh jingduwai bad kyrshan ia katei ka longiing kaba don hapdeng ka jingsngewsih ha kum kane ka por.
“Ka jingsngewlem ka jong nga sha u @TRZeliang ji, u Symbud Myntri Rangbah halor ka jingkhlad kynsan u khun jongu, Kuchi Rangkau Zeliang. To ai ba u Blei un pynkhlain ia u bad ia ka iing ka sem haba ki sngewsih kthang ia ka jingduh noh ia la u baieid bathoin. Ki jingpyrkhat bad ki jingduwai na ka bynta ka jingki iwei pa iwei” la thoh u Sangma.
My condolences to Shri @TRZeliang ji, Hon’ble Deputy CM of Nagaland on the untimely demise of his beloved son, Kuchi Rangkau Zeliang. May God strengthen him and his family as they mourn this painful loss. Thoughts and prayers for each of them.
— Conrad K Sangma (@SangmaConrad) October 10, 2026
U Kuchi udei u khun nyngkong jongu T.R. Zeliang, uba la shakri lang kum u Myntri Rangbah ka Nagaland bad kum u Symbud Myntri Rangbah. Ula iehnoh shadien ia la ka kurim ka Neitele Rangkau bad ia ka khun kynthei. U Kuchi udei ruh uba donbynta bha ha ki kam pynroi ia ki samla, jingseng kam lajong bad ia ki kam ialehkai ha Nagaland.
