Imphal, Risaw 10: U Myntri Rangbah barim ka Manipur, u N. Biren Singh, u la maham ba ka lah ban khie biang ka jingia umsnam ba thymmai hapoh ka jylla, ha kaba la mih khubor ba hynniew ngut ki briew ki la ïap ha ka shi sngi ha kylleng ki distrik, kawei ka police station kala shah wiang ding bad ki riew paidbah ki la jah rngai.
Haba thoh ha ki social media, u Singh u la buh jingkylli ïa ka jinglong jingman jong ka aiñ bad ka suk ka saiñ ha ka jylla, da kaba thoh, “HYNNIEW NGUT KI LA IAP, KA POLICE STATION KALA SHAH THANG. KAEI KA JINGJIA ÏA KA JYLLA MANIPUR?”
Katkum ki jingtip ba bniah ba la pynpaw da u Singh, la ïathuh ïa ki jingjia thombor ha kylleng ki katto katne ki distrik kiba sngewkhia, kynthup ïa ka Kamjong, Kangpokpi bad Ukhrul, kaba la pynmih ïa ki jingsngewkhia halor ka jingshngaiñ jong ki riew paidbah bad ka jinglong jingman jong ka jingshngaiñ.
SEVEN DEAD, A POLICE STATION BURNT. WHAT IS HAPPENING TO MANIPUR?
Seven lives have been lost in a single day following violent incidents across different parts of Manipur. Suspected Myanmar-based militants have reportedly attacked Ningchou village in Kamjong district, while deadly violence has also been reported along Makui IT Road and at Chassad. Even a police station in Kamjong has reportedly been burnt down. Further, two Nagas from Makui Ashang village in Kangpokpi district have also been reported missing.
Particularly disturbing is the killing of Sandeep Rai, a member of the Nepali community, in an alleged KRA ambush at Yolen near TM Kasom Litan in Ukhrul district. This shows how the violence is spreading and claiming innocent lives across communities.
What is going on? How weak have we become that armed militants can kill people, burn down police stations and challenge the authority of the Indian state with such impunity?
This is a serious threat to our country’s internal security and sovereignty. All illegally held weapons must be recovered, launch decisive operations against armed militant groups and strengthen our Indo-Myanmar border. Both state and central security forces must act without further delay.
— N. Biren Singh (@NBirenSingh) October 10, 2026
Ha Kamjong district, la kynnoh ba ki kaikhlaw kiba la suba ba ki dei na Myanmar, ki la hiar thma ia ka shnong Ningchou. Ki khubor ki iathuh ruh ba la thang ia kawei ka Police Station jong ka thain ha ka por ba la thombor ia katei ka kam.
Ha ka Kangpokpi district, la iathuh ba ki don ki jingiakhih ha shi lynter ka surok Makui IT. La iathuh ba arngut ki Naga kiba sah ha ka shnong Makui Ashang ki la jah rngai hadien ka jingiakynad ha katei ka thain.
Ha kajuh ka por, ka shnong Chassad bad ki jaka ba marjan ha Ukhrul district, ki la sakhi ia ka jingshah thombor kaba jur bad ka jingthang ding, katkum ka jingtip ba bniah ba la kdew da u Singh.
U Singh u la pynpaw ruh ïa ka jingsngewkhia halor ka jingshah pynïap jong u Sandeep Rai, u nongrep uba dei na ka jaidbynriew Nepali/Gorkhali ba don ha katei ka jaka, uba la ïathuh ba u la shah pynïap ha ka jingshah ambush ha Yolen hajan ka T.M Kasom Litan ha Ukhrul district. U la ong ba kane ka jingjia ka pynpaw kumno ka jingshah thombor kaba dang iaid shakhmat ka shim ia ki jingim ha kylleng ki shnong bapher bapher.
Haba buh jingkylli ia ka bor jong ka jylla bad ka jingbym shah pynshitom ki kynhun kieng atiar, u Singh u la ong, “Kaei kaba jia, haduh katno ngi la long kiba tlot ba ki kaikhlaw ba kieng atiar ki lah ban pyniap briew, ban thang ia ki police station thanat bad ban tuklar ia ka bor jong ka jylla da kaba khlem shah pynshitom kumne?”
Da kaba batai ïa ka jinglong jingman kum ka “jingma kaba khraw ïa ka jingshngaiñ bad ka jingsynshar hapoh ka ri jong ngi,” u myntri rangbah barim u la khot ban leh kyrkieh ïa ki tnad pahara jong ka jylla bad jong ka sorkar pdeng.
U la kyntu ia ki bor pahara ban sdang ia ki kam khynra kiba bniah ban ioh kurup ia baroh ki tiar siat kiba la bat beain ha kylleng ka Manipur bad ban leh da kaba tyngeh pyrshah ia ki kynhun kaikhlaw kiba don tiar ialeh.
U Singh u la khot ruh ban pynkhlaiñ bad khang khyrdep mardor ïa u pud Indo-Myanmar khnang ban khang lad ïa ka jingïaid lynti jong ki kaikhlaw sha shiliang pud.
U la kyrpad ia ki bor pahara jong ka jylla bad jong ka sorkar pdeng ban leh khlem da pynslem shuh ban pynphai biang ia ka bor synshar jong ka jylla bad ban iada ia ki jingim jong ki riew paidbah hapdeng ka jingia um snam kaba nang jur.
