Nongstoin, Nailar 23 : Hynriew ngut ki rangbah khasi na West Khasi Hills, kila shah lute ha ka kynhun ki runar ha Assam bad shah knieh lut ka pisa kaba ki rah ban thied trok na kane ka Jylla ba marjan.
Kane ka jingjia ala jia ha ka 19 tarik Nailar 2026 ha ka thain Bongaigaon, Assam, ong ki Pulit kiba iathuh ba kine ki rangbah ki dei kiba na Nongstoin bad Langpih.
Uwei na kine ki rangbah Bah Hopersharland Nongbak, ula iathuh ba kine ki runar kiba la apthap lypa ha ki artylli ki kali, kila pyniap da ki wait tukri bad ki pistol ha ka por ba ki thombor ia u bad iathuh ba kine ki runar kila shoh bad tied ia ki hashuwa ba kin knieh ia u shabi kali, ki mobile bad ka pisa kaba kot sha ka T.5 lak lem bad kiwei ki tiar ba shongdor.
Kine ki rangbah ba shah lute ki kynthup ia u Bah Jewel Nonglait, Bah Ebarlin Wanniang, Bah Kolestin Marbaniang, Bah Dinningwell Sangriang bad Bah Kertarbarlin Wanniang.
U iathuh ba baroh hynriew ngut kila iakut ban leit thied trok rim na Assam hadien bala iakut lypa bad u nongdie bad kila iamih na Nongstoin ha ka 19 tarik Nailar ha ka por 6 baje mynstep. U iathuh ba dei haba poi sha katei ka jaka, kila don kiba la apt hap lypa ia ki bad kila khang lynti bad thombor naphang ia ki.
La iathuh ba u MLA barim ka Rambrai-Jyrngam Bah KP Pangniang ula leit shaw ia kitei ki rangbah na ka kti ki Pulit ka Asam bad pyntip ba uwei napdeng kitei ki nonglute, ula shah kem bad ula mynsaw jur namar ka jingiather kuli mar kylliang bad ki Pulit ha ka por ba ki kthong ia ki.
Ki Pulit kila register case ia kane ka jingjia bad ki dang thwet ia baroh ki runar kiba donkti.
