Guwahati, Jymmang 27: Ka Indian National Congress ka la jied ia u Wazed Ali Choudhury kum u nongialam ka liang pyrshah (Leader of Opposition) bad ia u Dr Joy Prakash Das kum u nongialam ka Congress Legislature Party (CLP) ha iing dorbar jong ka Assam Legislative Assembly.
Ia kane ki jingjied la pyntip da u general secretary jong ka AICC u KC Venugopal lyngba ka kyrwoh khubor kaba la pynmih ha ka 26 tarik Jymmang.
Kane ka jingpynbna ka wan hadien ba la don ka jingïamir jingmut hapoh ka party halor ka rukom treikam jong ka CLP ha Assam ha ka por ba dang ïaid shakhmat jong ka ïingdorbar thawaiñ ka jylla Assam kaba 16.
Kham mynshwa, u president ka Assam Pradesh Congress Committee u Gaurav Gogoi u la ong ba ia ka rai halor ki nongialam jong ka CLP yn sa pynkut noh da ka AICC hadien ka jingiasyllok bad ki MLA ka party bad ki nongpeit pyrman na ki nongialam ba ha khlieh eh jong ka party.
Ki nongthaw aiñ jong ka Congress ki la pynlong ruh ïa ki jingïalang ha Guwahati hapdeng ka saiñ pyrthei kaba nang kiew halor ka jingjied ïa ki nongïalam jong ka CLP, kaba la khmih lynti ba kan don ka bynta kaba kongsan ha kaba pynwan dur ïa ka jingïatreilang bad ka buit treikam jong ka seng hapoh ka Ïingdorbar Thawaiñ, kynthup ïa ka jingtreikam jong ka kum ka seng kaba don ha ka liang Pyrshah.
 bad ia u Dr Joy Prakash Das kum u nongialam ka Congress Legislature Party (CLP) ha iing dorbar jong ka Assam Legislative Assembly.){kind=link}