Shillong, Jymmang 08 : U Symbud Myntri Rangbah bad National Vice President ka NPP Bah Sniawbhalang Dhar ha ka sngi Thohdieng ula kynnoh ba ka Voice of the People Party (VPP) kala pyni shai kdar ba ka “ialehkai politics’ bad ka mat State Reservation Policy, haba kdew ia ka jingpep jong ka ban wan sha ka jingialang jong baroh ki seng sain pyrthei kaba ka VPP hi dalade kala dawa tyngeh.
“U Myntri Rangbah ula jubab shai bha hynnin ka sngi. Nga pynpaw ia kajuh ka jingsngew kumba la pynpaw da u Myntri Rangbah halor kane ka kam” ong u Bah Sniawbha haba kylli halor ka jingpep ka VPP sha ka jingialang ba iakren halor ka kaiphod jong ka State Reservation Policy.
Haba khot ia kane ka jingbym wan pyni durkhmat kum ka kam kaba sngewsih, ula ong ‘Ka long kaba sngewsih ban iohi ba kane ka party (VPP) kaba dawa tyngeh ban khot ia ka jingialang jong baroh ki seng sain pyrthei, kala pep pat dalade ynda la dei ka por”.
Haba kylli la ka VPP ka leh politics ia kane ka kam, u Bah Sniawbha ula jubab “Phi kren ia kaba dei eh. Ka paw ba ki shu kwah leh politics namar kim shym la pyni ia ka jingshimkhia shisha ia kane ka kam”.
Ula ban jur ba ka Sorkar kala pynurlong ia ka jingdawa jong ka VPP hynrei kane ka Party dalade kala pep ban wan mihkhmat.
“Kat kaba long hi, u Myntri Rangbah ula khot ia ka jingialang jong baroh ki seng sain pyrthei kaba la dawa khamtam da ka VPP hapoh ka Iingdorbar Thaw Ain. Kae ka pyni ba ka VPP kam don satia ia ka jingmut ba shisha ne ka jingsngewkhia ba shisha ia kane ka mat” ula ong.
Kane ka jingialang jong baroh ki seng sain pyrthei ka dei kaba la pynlong ha ka sngi Ba-ar kaba iakren ia ka kaiphod jong ka Expert Committee halor ka State Reservation Policy.
 kala pyni shai kdar ba ka “ialehkai politics’ bad ka mat State Reservation Policy, haba kdew ia ka jingpep jong ka ban wan sha ka jingialang jong baroh ki seng sain pyrthei kaba ka VPP hi dalade kala dawa tyngeh.){kind=link}