Shillong, Jymmang 08 : Ka jingshong bishar ba lai sngi jong ka Commission of Inquiry halor ka jingbthei ka par dewiong ha Thangsko, East Jaintia Hills District, kala kut noh ha ka sngi Thohdieng ha State Guest House, Shillong bad kane ka Commission bala khlieh da u Justice (Retd) RS Chauhan kala shim bishar ia ki tnad Sorkar, ki nongtih par bad ki longiing jong ki lanot.
Ka kyrwoh bala pynmih da u Secretary ka Commission ka ong ba ka Inquiry Commission kala shim jingthoh ia baroh ki jing batai na ka liang ki kynhun kiba don bynta kata hapdeng ka 6 tarik Jymmang bad 8 tarik Jymang.
Ha ka sngi ba Nyngkong, ka Commission kala sngap ia u Principal Conservator of Forest bad Head of Forest Force, Shillong, Central Mine Planning bad Design Institute Ltd, Ranchi, ka Ministry of Coal, New Delhi bad u Director ka Directorate of Mineral Resources, Shillong.
Ha ka sngi ba-ar la ioh ia ki jingpynpaw na ka Shallang Area Trader Association, West Khasi Hills bad ka Mine Owners and Exporter Association ka South West Khasi Hills.
Ha ka sngi ba khatduh kata ha ka 8 tarik Jymmang, ka kynthup ia ka jingai jingmut na ka North Eastern Space Application Cenre, ka Indian Bureau of Mines bad ki bahaiing hasem jong ki lanot.
“Ka sien shong bishar ban wan jong ka Commission kan long naduh ka 13 tarik haduh 15 tarik Naitung, 2026” ong ka kyrwoh haba pyntip “Ka Commisson kan sa leit jngoh ia kane ka jaka ba jia kane ka jingjia ha ka 13 tarik Naitung bad kan pynbteng ban pynlong ia ka jingtohkit”.
Ka Commisson kala pynmih ruh ia ka notice paidbah ha ki kot khubor ka Jylla ba khot shuh shuh ia ki briew ba kin wan ai sakhi.
“Kito kiba kwah ban wan ai sakhi lane ai jingmut shuh shuh ki lah ban leh da kaba thoh sha u Secretary ka Commission of Inquiry, Room 228, Main Building, Meghalaya Secretariat, Shillong lane da kaba email ha [email protected],” kala bynrap.
 RS Chauhan kala shim bishar ia ki tnad Sorkar, ki nongtih par bad ki longiing jong ki lanot.){kind=link}