Agartala, Iaiong 17: Ka Tipra Motha Party (TMP) kaba don ha ka liang synshar, kaba la ïalam da u Pradyot Bikram Manikya Debbarma, ka la pynkhreh ban sar naphang ha ka elekshon 2026 jong ka Tripura Tribal Areas Autonomous District Council (TTAADC), kumba la paw ha baroh ki 28 tylli ki Constituency.
Ka party ka la dep ban ioh lypa 16 tylli ki seat bad ka dang tam ha ki 8 tylli kiwei pat, kaba buh ia ka ha ka kyrdan ba kan bat hi tang marwei haduh 24 tylli na ki 28 tylli ki constituency.
Ka Bharatiya Janata Party (BJP) ka la mad ïa ka jingshah rem ba jur bha ha ki bynta ba shong basah ki trai ri trai muluk ne ki riewlum, ha kaba ka la lah ban jop tang ar tylli ki seat katba ka dang lam khmat pat ha ki ar tylli kiwei pat ki Constituency.
Ka result ka pyni ia ka jingioh jingkyrshan kaba pura ia ka party Tipra Motha ha ki jaka ba shong basah ki riewlum, wat la ka BJP ka la buh ia lade kum ka nongiakhun ka ba ha khmat eh ha ka elekshon.
Kaba sngewphylla ka long ba kitei ki ar seng ki dei ki paralok ha ka sorkar synrop ba ialam da ka BJP ha Tripura.Hynrei ki la jied ban ïakhun la ka jong ïa ka elekshon TTAADC, bad kaba la pynkylla ïa ka elekshon ka long ba ka jingïakhun ka long beit thik ha ki jaka ba bun ki riewlum.
Ka jingmih ka pynpaw ia ka jingbteng jong ka Tipra Motha ha ka council bad ka pyni ia ka jingkylla kaba shai ha ka sain pyrthei jong ki jaka ba synshar da ki riewlum jong ka jylla Tripura.
 kaba don ha ka liang synshar, kaba la ïalam da u Pradyot Bikram Manikya Debbarma, ka la pynkhreh ban sar naphang ha ka elekshon 2026 jong ka Tripura Tribal Areas Autonomous District Council (TTAADC), kumba la paw ha baroh ki 28 tylli ki Constituency){kind=link}