Shillong, Nailar 12: Ka Sur ki Nong Mawlai (SKNM) kaba lamkhmat da ka KSU, FKJGP bad HNYF Mawlai Circle, kan rakhe kynmaw burom ia ka lyngkhuh sngi iap ba nyngkong jong u Nongialam barim ka HNLC Bah Cheristerfield Thangkhiew lashai ka sngi ka 13 tarik Nailar, da kaba leit buh syntiew ha u Lum Jingtep bad ka jingthang mombiti.
Kane ka jingrakhe kynmaw burom kan sdang da ka jingteh lama iong ha ka por 9 baje mynstep bad hadien kane, yn pynbud da ka jingiakynduh lang ha Mawlai Kynton Massar lad Umthumthum ha ka por 12 baje mynsngi ban ioh leit buh syntiew ha u Lum Jingtep ba don ha Lawmali.
Ka Sur ki Nong Mawlai ka pyntip ba hadien ka jingbuh syntiew, kan sa bud pat da ka jingialang ba lyngkot ha Mawlai Petrol Pump. La iathuh ba kan don ruh ka jingialang thang mombiti ha ka por 6 baje janmiet ha Petrol Pump.
Ka Sur ki Nong Mawlai kala khot ia ki paid ka Bri u Hynniewtrep ban wan iashimbynta ha kine ki prokram bala pynbeit.
