Shillong, Risaw 13 : U Lamphang ka Iingdorbar Thaw Ain Thomas A Sangma ha ka sngi Ba-ar, ula ong ba ka Meghalaya Legislative Assembly kam lah ban sospon ia u MLA bad ka kam jong ka, ka long beit tang ha ka jingpynbeit ia ki shuki hadien ba shimkhia ia ka jingleh ka party.
U Lamphang ula kynthoh ia kane haba jubab ia ka jongkynnoh u President ka VPP Bah Ardent M Basaiawmoit ia ka jingbym leh eiei pyrshah ia u MLA ka North Shillong Bah Adelbert Nongrum.
“Em, ka jingsospon kam dei ka kam jong u Lamphang ka Iingdorbar. Ka shong ha ka political party lane ka legislature party ba kan leh kat kaba ka kwah. Ka dei ka kamram jong ki ban pyntip sha ngi. Ngi la shimkhia ia ka. Ngi hap ban shu ai la ka jong ka jaka shong, tang katta” ong u Thomas.
