Shillong, June 19: Ban pynthikna ba ka jingpynlong biang ia ka eksamin National Eligibility-cum-Entrance Test (NEET-UG) 2026 kan long kaba iaid beit, haka sngi Thohdieng, la pynlong ia ka High-Level Review Meeting ha Committee Room-III jongka Additional Secretariat, Shillong ban khmih bniah ia ka jingpynkhreh ia katei ka eksamin da ka National Testing Agency (NTA) ha ka 21 tarik u Jylliew.
Ia kane ka jingialang la pyniaid da u Bah B. Mawlong, IAS, Secretary ka Sorkar Meghalaya, Health & Family Welfare Department.
Ha kane ka jingialang u Bah Mawlong ula bishar bniah ia ka rukom pynkhreh baroh da ki bor pyniaid district bad kiwei kiwei kiba donbynta lang ha ka kam ban pynlong ia kane ka eksamin ha ki jaka thoh eksamin ne Examination Centre bapher bapher.
Ula banjur ia ka jingdonkam ban pynthikna ba kane ka eksamin kan dei ban long da ka jingsuk jingshngain bad kaba lait na kino kino ki kyrnum kynram bad ula kyntu ia baroh ki tnad kiba dei khmih bad ia ki kynhun ba kin iatrei ryngkat na ka bynta ka bit ka biang jong ki samla kiban ialeh ia kane ka eksamin.
Ki ophisar na ki district bapher bapher kila ai jingbatai halor ki sienjam kiba kila shim ban pynthikna ba kane ka eksamin kan long kaba iaid beit, kynthup ia ka jingpynbiang ia ki bor pahara, ka leit ka wan jong ki samla kiba ialeh eksamin, ban ym don ka jingthud ha ka jingpynbiang ia ka bording, ka jingbuh ia ki pulit bad kiwei kiwei ki jingdonkam.
Kin don baroh 14 tylli ki jaka thoh eksamin ne Examination Centre ha kylleng jongka jylla Meghalaya ban pynlong ia ka NEET-UG 2026. Na kitei, 10 tylli ki Centre kin don ha Shillong, 2 tylli ha Tura, 1 ha Jowai bad 1 ha North Eastern Police Academy (NEPA) Campus hajan Umiam, Ri-Bhoi district.
Ki don baroh 4,164 ngut ki ban ialeh ia kane ka eksamin ha ka Sngi u Blei ka 21 tarik u Jylliew 2026.
Ha katei ka jingialang la wan ban iashimbynta da u Dr S. Rajan, Deputy Secretary ka Ministry of Education ka Sorkar India, Dr R. Marak, MCS, Joint Secretary, Health & Family Welfare Department ka Sorkar Meghalaya bad ki bor pyniaid district bad ki tnad kiba dei khmih.
Kine kiba la wan iashimbynta kila pynpaw ia ka jingskhem jingmut ba ia baroh ki jingdonkam lah dep ban pynbiang ban pynthikna ba ka jingpynlong ia ka eksamin NEET-UG 2026 kan long kaba iaid beit ha kylleng jong ka jylla.
 2026 kan long kaba iaid beit, haka sngi Thohdieng, la pynlong ia ka High-Level Review Meeting ha Committee Room-III jongka Additional Secretariat, Shillong ban khmih bniah ia ka jingpynkhreh ia katei ka eksamin da ka National Testing Agency (NTA) ha ka 21 tarik u Jylliew.){kind=link}