Shillong, Jylliew 19 : Ki bor pyniaid district ka East Khasi Hills kila kyrpad ia ki samla kiban ialeh ia ka eksamin NEET (UG) Re-Exam ha PM SHRI Kendriya Vidyalaya ha Upper Shillong ba kidei ban ialeh ban mih kloi na la iing ha ka 21 tarik u Jylliew.
Ki bor pyniaid district kila pynpaw ba ha katei ka sngi ban don ka eksamin, ka jingiaid ki kali ha katei ka thain ka lah ban suki bha namar ka jingpynkhreh ia ki lad jingiada ia ka jingwan jngoh jong ka Myntri Pla Tyngka ka ri ha katei kajuh hi ka sngi.
Ha ka kyrwoh hynne ka sngi Thohdieng, u Deputy Commissioner ka East Khasi Hills, ula ong, ba ka jingleit jngoh ka heh sorkar ia ka Kendriya Vidyalaya, EAC Headquarters, kan donkam ban pyrkhing ia ka rukom iaid jong ki kali ha ka thain kaban poi sha Upper Shillong. Kane ka lah ban lam sha ka jingdheng kali bad ka jingslem ha katei ka por ba don ia ka eksamin.
Ki samla pule ba kin lait na kano kano ka jingeh ban poi slem sha ka jaka thoh eksamin, ki bor pyniaid district kila kyntu ia baroh kiban leit ialeh eksamin sha ka thain Upper Shillong ba kidei ban mih kloi bad kylluid bha ka por noh na la iing bad ruh ban rah ia ki kot ki sla kiba donkam ban ioh rung sha ka jaka thoh eksamin.
“La shim lut ia baroh ki lad ban pynthikna ba ka jingpynlong ia ka eksamin kan long kaba iaid beit” la ong u DC bad ka pan ia ka jingiatreilang na ki nongshong shnong bad ki nongleit nongwan.
 Re-Exam ha PM SHRI Kendriya Vidyalaya ha Upper Shillong ba kidei ban ialeh ban mih kloi na la iing ha ka 21 tarik u Jylliew.){kind=link}