-->

Sospon ka Tnad Pulit ia u constable ba khrong pisa na ki trok

Date:

Share post:

Shillong, Naiwieng 22 : Ka Tnad Pulit kala sospon ia uwei u pulit constable ba niah kali, hadien ka jingsaphriang ka video ba pyni ba u lum pisa na ki nongniah trok ha Khliehriat, East Jaintia Hills.

Kane ka jingpynshitom kala mih hadien ka jingmih ha ki lad pathai khubor halor kane ka jinglum pisa da ki Pulit bad ki Ophisar ka Tnad Transport.

Ka kyrwoh bala pynlait da u Deputy Inspector General of Police (DGP), Eastern Range Bah S Nongtnger, ka iathuh ba lah hukum mardor ban pynlong ia ka jingtohkit halor kane ka jingjia tang mar syn mih pyrthei kane ka video.

“Halor ki jingshem, ia une u constable la sospon ha ka 21 tarik Naiwieng, 2026” kala ong.

Une u Pulit constable u dei uba don bad ka battalion bad ba shakri bad ka East Jaintia Hills Police.

U Heh Ophisar ka East Jaintia Hills District ula pynlong mynta ia ka jingtohkit kaba bniah, bad yn sa shim shuh shuh ia ki lad pynshitom lada lah pynthikna ia kine ki jingkynnoh.

Ka Tnad Pulit kala ba biang ba kan ym ailad satia ia kino kino ki kam bamsap bad ki jingleh bymhok.

“Lada shem iano iano kiba leh ia kino kino ki kam bymhok, jinglum pisa beain, pyndik ia kino kino ki nongniah kali lane nongshongshnong, yn ai ia ka jingpynshisah kaba tyngeh ia kine ki Pulit” ong u DyIPG.

Share post:

-->
spot_img

Popular

More like this
Related

BJP distances itself from Marak’s RTI on Gospel Fest funding, says move was in personal capacity

SHILLONG, NOV 21: The state Bharatiya Janata Party on...

Meghalaya bans movement of uncovered, overloaded hay trucks in Shillong

Shillong, November 21: The East Khasi Hills district administration...

La pynkhreh ka Meghalaya ban pynlong ia ka 39th National Games-2027

Shillong, Naiwieng 21:Ka Jylla Meghalaya ka la pynkhreh ban...