Shillong, Jylliew 27 : U Director ka Employment & Craftsmen Training, Shillong, ula phah husiar bha ia baroh ki samla khlem kam ka Jylla ba kim dei ban jubab ia kino kino ki email ba tyrwa aikam khlem da pynthikna shuwa ia ki nongaikam.
Kane ka jingkyntu kala mih hadien ka jingioh khubor na ki samla wadkam halor ka jyrsieh tyrwa kam bala pyniaid da ka kyrteng jong ka National Career Service (NCS), ha kaba la phah email sha ki samla da ka jingtyrwa aikam bad kyntu ia ki nongthep kam ba kin pdiang ia ki kynja envelop ba don ia ka shithi aikam/ joining letter. Hynrei, hadien ka jingsiew T. 1000, la shem ba kine ki envelop ki dei ki bym don eiei satia.
Pule lang ia kane: Manipur: Leit jngoh u CM ia ki lanot thma iapher Jaidbynriew ha Khuman Lampak Sport Complex
