Shillong, Jylliew 27: U Chief Executive Member (CEM) ka Khasi Hills Autonomous District Council (KHADC) Bah Pyniaid Sing Syiem ryngkat bad u Chairman u Bah Lamphrang Blah bad u Deputy Chairman Bah Charles Marngar, hynne ka sngi Baar kila leit iakynduh ia u Mynti Rangbah barim ka jylla u Dr DD Lapang ban ai khublei iaka jingai jingshakri ka jongu iaka jylla bad ban kyntiew ia ki District Council ha ka jylla.
Kane ka jingleit iakynduh ia u Dr DD Lapang kadei ruh ha ka sngi ba rakhe iaka District Council Day bad kane ka jingiakynduh ka long kum shi bynta ban kynmaw iaka jingshakri jong u Bah Lapang iaka Jylla ha ka por ba u dang long kum u Myntri Rangbah bad uwei uba la iadonbynta ha ka por ban kyntiew ruh iaka District Council.
U Bah Pyniaid Sing Syiem ula kyrkhu kyrdoh ia u Dr.D.D.Lapang bad pyrto iaki kam jingshakri, ia u syniang u bynhei mynba u dang long uba trei shitrhem ha ka kam saiñ hima sima.
Na ka liang u Dr. D.D.Lapang, ula pynpaw iaka jingsngewnguh kaba khraw shibun eh ia u CEM, namarba u la kynmaw ban wan jngoh ia u ha kane ka sngi bad ula ai ruh ia ki kyntien kyrkhu kyrdoh iaka Executive Committee kaba thymmai kaba la ialam da u bah Pyniaid Sing Syiem, ia ki Executive Member bathymmai bad iaka Legislative hapoh ka jingialam u Chairman bad u Dy.Chairman bad ula ai khublei ruh ia baroh ki MDC jong ka KHADC.
Pule lang ia kane: Bynniaw jur u MLA barim ba shah pynsangeh kam ki 200 ngut ki Nos ha NEIGRIHMS
