Imphal, Nailur 12 :Ki bor pulit ka Manipur kila ioh ban kem noh ia arngut ki briew kaba kynthup ia u dkhot ka kynhun seng lehnoh PLA halor ka jingshah kynnoh donkti ha ki kam pyniap pyrshah ia ki briew ki bym dei ki trai shnong ha ka jylla.
Katkum ki khubor la ong ba une u dkhot ka PLA ula shah kynnoh donkti ha kaba pyniap ia uwei u briew u bym dei trai shnong ha ka 8 tarik u Naitung ba la dep hapom Imphal East district ka Manipur.
Uwei pat ula shah kem noh ha ki bor pulit halor ka jingkynnoh donkti ha kaba pynap bom hapoh ka iingsah jong uwei u briew u bym dei u trai shnong hapoh Imphal East district ka Manipur.
Ia une u dkhot ka PLA bala shah kem la tip kyrteng kum u Hijam Sanatomba Singh. Une u dkhot ka PLA u dei ruh uba la pyndep ia ka jingshah hikai ha ki kam ialeh pyrshah hapoh Maynmar ha ka snem 2016.
