Shillong Lber 29: Ka National Peoples Party (NPP) kala pynrem jur ia u riewshimet uba la donkti ha kaban thombor ia uwei u nongniah kali kamai ha Umshyrpi bad dawa ia ki pulit ba kidei ban leh da kaba tyngeh ia une u nongthombor.
“Ka NPP ka pynrem jur ia ka jingjia kaba pynkyndit ha Umshyrpi, ha kaba uwei u nongniah kali kamai ula shah thombor ha uwei u riewshimet u bym lah ban ithuh, uba la byrngem byrsit ruh ia u nongniah kali” ong u Working President ka NPP u Bah Hamletson Dohling ha ka kyrwoh khubor hynne ka sngi u Blei.
U Bah Hamletson ula pynpaw ba kane ka jingleh be-aiñ kadei ka bym lah ban pdiang satia ha kane ka juk jong ka imlang sahlang kaba mynta bad ia kane ka jingjia dei ban pynrem da baroh.
Ula ong, ba ka seng NPP ka kyntu ia ki pulit ba kidei ban shim mardor ia ki sienjam halor katei ka jingjia bad ban pynlong ia ka jingtohkit kaba bniah bha bad ban pynthikna ba une u nongleh be-aiñ udei ban shah pynsaja khlem da pynslem shuh.
 kala pynrem jur ia u riewshimet uba la donkti ha kaban thombor ia uwei u nongniah kali kamai ha Umshyrpi bad dawa ia ki pulit ba kidei ban leh da kaba tyngeh ia une u nongthombor.){kind=link}