-->

Iathuh ia ka khana ba pura | Kyrshan ka NPP ia ka CAA hadien ba lait ka Meghalaya, ong u CM ia u Dr Kharlukhi

Date:

Share post:

Shillong, Naiwieng 19 : U Myntri Rangbah Conrad K Sangma ula ong ba ka NPP kam shym la kren khlieh khlieh tdong tdong ha Parliament – ka pyrshah nyngkong, iakren bad kyrshan hadien ba ka Meghalaya kala ioh ia ka jingiada.

Ula jubab ia kane halor ka jingkynnoh u MP barim ka Rajya Sabha Dr WR Kharlukhi ba ka NPP ka pyrshah ia ka Bill tang shabar ka Parliament hynrei ka kyrshan pat ia ka hapoh ka Iingdorbar.

Ula kdew ia ka CAA kum ka nuksa kaba shai tam.

“Hajan man ki bill ba wanrah, ngi la pyrshah ia ki. Nga la pyrshah ia ka, kum ka nuksa, ka CAA” ula ong.

Ha ka Bill ba nyngkong eh, u ong, ka bill kam shym la tyrwa ia kano kano ka jingiada ia ka thain Shatei Lam Mihngi.

“Kam shym la don ka jingpynlait ia ki jaka ba hap ha Sixth Schedule, kam shym la don ka jingpynlait ia ki jaka ba treikam ka ILP bad bun ki Jylla NE kila shah ktah. Ngi la pyrshah jur iakane” ula ong.

U ong ba ka jingkylla kala wan hadien ka jingiakynduh bad u Myntri kam Pohiing jong ka ri.

“Ngi la tyrwa ba kito ki jaka ki dei ban lait na ka CAA, kaba mut ka Meghalaya ka dei ban lait, kumjuh ruh ka Nagaland, Manipur bad Arunachal Pradesh” ula ong.

Ka Sorkar Pdeng kala mynjur ia kane, ula ong haba bynrap “Ka Home Ministry kala wanrah ia ka kyn don kaba ong ba ki jaka Sixth Schedule kila lait na ka CAA, ki jaka ba treikam ka ILP kila lait na ka CAA””.

U Conrad ula ong “Dei haba ka Sorkar kala sngap ia ki jingsngeewkhia jong ngi, weng ia ki jingsngew khia ba ngi don, pynlait ia ka Meghalaya na ka CAA, hangta ngi la ai ka jingmynjur”.

U Conrad ula ong ba u Dr Kharlukhi ula suhlang tang ia ka khana na kaba sdang bad kaba kut haba iaid lait ia kaei kaba jia hapdeng.

“Phim lah ban shu iathuh tang shiteng ia ka khana bad sdang na ka bynta ba nyngkong bad khmih ia ka bynta ba khatduh bad sa milai lang ia ka bynta ba nyngkong bad ba khatduh ban iathuh ia ka khana. Ki don shibun kiei kiei kiba jia hapdeng jong ka” ula ong.

Halor ka jingsngew shimet, u Conrad ula ong ba u sngewmong bha ia ka jingkynnoh da u briew uba u Kpa u burom bha bad uba la phah sha Rajya Sabha.

“Ngam ju khmih lynti ba u briew kum u Dr Kharlukhi, uba ha ka por jong i pa jong nga, I Pa u ju pyni beit ia ka jingburom ia u bad wat ha ka por jong nga ruh, Nga la leh kat kaba lah ban pyni ia ka burom bad ai ha u ia ka kyrdan kum ka Rajya Sabha, hynrei mynta ula don ha ka kyrdan ban kren shibun kiei kiei pyrshah ia nga” ula ong.

Hynrei ula ong ba un nym pynphai kylla ia kane ka jingkynnoh.

“Ngam ngeit ba ka jingpynphai ha kano kano ka rukom ka ban wanrah shuh shuh ia ka jingisih lane pynbitar hapdeng jong ngi” ula ong. “Ki briew kin sa iakren, ki briew kin sa kren ia kiei kiiei bad teng teng ki briew kim don jingsngewnguh”.

Share post:

-->
spot_img

Popular

More like this
Related

Don ryngkat ka Sorkar bad ki nonghikai deficit hynrei hap khmih bha ba ktah ia ka pla tyngka :CM

Shillong, Naiwieng 20: U Myntri Rangbah ka jylla u...

Pynthikna u CM ban nym hiar shuki u Bah Prestone | Ka Sorkar ka treikam kum ka kynhun

Shillong, Naiwieng 20 : U Myntri Rangbah ka Jylla...

Sngewkhia ka Sorkar Pdeng ia ka jingiaid laitluid-ka jingeh ba hakhmat halor ka MRSSA Bill : CM

Shillong, Naiwieng 20 : Ka Meghalaya Residents Safety and...

Mynjur ka Sorkar ban pynkynriah ia ka jaka ban pyntreikam ia ka project thung shynrai Lakadong

Shillong, Naiwieng 19: Ka Kynhun Myntri ha ka Sngi...