Guwahati, Nailur 12: Uwei u samla 23 snem rta ula shah kem noh halor ka jingshah kynnoh donkti ha kaba leh beijot bad pyniap dusmon ia kawei ka longkmie 42 snem rta kaba la jia ha Udalguri district naduh kine ki ar taiew ba la lah.
Katkum ki khubor la iathuh ba hadien ba ula leh ia katei ka kam pyntriem ha ka 25tarik u Nailar ba la dep, une u samla ula wan pyndem noh ia lade ha ki bor pulit ha Udalguri ha ka sngi Thohdieng ba la lah, bad hadien ba ka liang ki pulit kila pynngat ia u ha ka kam leh beijot bad pyniap briew.
Hadien kane la wanlam ia u hakhmat ka kashari kaba la hukum ban set na ka bynta 14 sngi kynthih.Katkum ki khubor la iathuh ba u kurim jong katei ka lanot um shym la pdiang halor ki jingshisha ba kin don ki briew napoh shnong ki ban leh ia kane ka kam pyntriem.
Ki khubor kila kam ba katei ka longkmie kala shah dung iap ha une u runar katba ka dang sum.Nalor kata la kynnoh ruh ba ula leh beijot ia ka.
Watla katta, katkum ka lad pathai khubor la ong ba ki trai shnong kila shim da kumwei pat halor katei ka jingjia da kaba pynher ia ki khubor hamsaia ba kane ka briew kala iap namar ka jingbanbor ha ki bor jadu.
Kham hadien na ka liang kiba haiing hasem kila dawa ban pynlong ia ka jingtohkit kaba la pynlong ruh ia ki bor pulit ba kin lapdien ia ka met iap jong ka na kawei ka jaka ba la tep ia ka.
“Ia ka metiap jong ka la phah na ka bynta ban leh ia ka postmortem ha ka jingiadon lang u magistrate.Hynnin ka sngi U Blei, ngi la lah ban kem noh ia une u samla bad ia ka case la rejistar hapoh ki kyndon 376/302 jong ka IPC.Ngin pyrshang ban khylliap noh ia kane ka case kloi katba lah bad ban rah ia kane ka jingbishar,” ong ka lad pathai khubor kaba la shim ia ka jingkren jong ka SP ka Udalguri, ka Supriya Das.
Shuh shuh kala ong ruh ba kaiphot lyngba ka post mortem kan kdew shai halor ka jingiap jong ka.Watla katta ha ka jingtohkit jong ki pulit une u briew ula phla ba ula leh beijot bad pyniap ia kane ka longkmie kaba la don arngut ki khun kynthei.
