Shillong, Risaw 08 : Ka samla Rifiness Warjri jong ka Meghalaya Girls NCC Bn, kala shah jied ban leit iashibynta ha ka NCC Mount Everest Expedition 2025, ne ka jingkiew ia u lum thah Everest.
Ka samla Rifiness ka dei ka cader jong ka St. Anthony’s College bad dang shen kala pyndep ia ka jingkiew ia u lum Mount Abi Gamin. Ka dei ruh tang ma ka na ki NCC cadet napoh ki 7 tylli ki Jylla ka thain Shatei Lam Mihngi ban shah jied ha kane ka expedition.
Ka jingjop jong kane ka samla ka long ka sharak ba ai mynsiem na ka bynta ka thain shatei lam mihngi baroh kawei bad ka pynpaw ia ka jinglah ban iaishah bad ka sap jong ki samla jong ka thain shatei lam mihngi. Ka jingiathuhkhana jong ka ka long ka jingpynshisha ia ka mynsiem bad jingaiti lut kaba ka NCC Shillong kala bsut ha ki cadet jong ka.
