New Delhi, Jylliew 26: U kyrtong ka National Democratic Alliance (NDA) Om Birla ula shah jied biang kum u Lamphang ka Iingdorbar Lok Sabha ha ka samoi kaba ar hynne ka sngi Balang hadien ba ia ka motion bala wanrah da u Myntri Rangbah Duh Narendra Modi, la mynjur da ka voice vote.
U Pro tem Speaker M Mahtab ula pynbna ia kane hadien ba ka Liang Pyrshah, kaba la tyrwa ia u MP ka Congress Kodikunnil Suresh kum u kyrtong, kam shym la vote ia ka motion.
Hadien kane, u Modi bad u Myntri ka Parliamentary Affairs Kiren Rijiju, kila leit sha ka jaka shong u Birla bad synran ia u ban leit shimti ia ka shuki Lamphang.
U Nongialam ka Congress bad Nongialam ka Liang Pyrshah Rahul Gandhi ruh ula synran lang ia ki. U Gandhi ula ai khublei ia u Birla bad khublei kti ia u Myntri Rangbah Duh ka Ri.
Haba ai jingkren, u Modi ula ong ba ka jingtreikam u Birla kum u dkhot ka Parliament ka dei ban long kum ka jingai mynsiem ia ki dkhot ka Lok Sabha ba dang thymmai. “Ka jingrakhe ba ithiang jong phi ka pynkmen ia ka Iing baroh kawei” ong u Modi.
 Om Birla ula shah jied biang kum u Lamphang ka Iingdorbar Lok Sabha ha ka samoi kaba ar hynne ka sngi Balang hadien ba ia ka motion bala wanrah da u Myntri Rangbah Duh Narendra Modi, la mynjur da ka voice vote.){kind=link}