-->

Wer ka Seng Khasi ia ki paidbah sha ka jingrakhe Seng Kut Snem kaba 127

Date:

Share post:

Shillong, Naiwieng 20 : Ka Seng Khasi Kmie, Shillong kan rakhe pyndon burom ïa ka Seng kut snem ka ba 127, ka ban long ha ka 23 tarik Naiwieng 2026.

Ka jingrakhe kan sdang da ka jingkyntiew ïa ka lama ka Seng ha Ïing Seng Khasi, Mawkhar, Shillong, ha ka por 8:00 baje mynstep, da u President ka Seng Khasi Kmie, Rgh O.

Pyngrope bad ïa ka nguh ka dem yn pyndep da ka Komiti Ki Tymmen Ki San jong ka Seng khasi Kmie bad hadien kata yn pyllait paidbah ia ki Almanak jong ka Seng.

Kan don pat sa ka “Ïaid Pyni Riti” na Madan Ïew Rynghep (Fire Brigade) ka ban sdang naduh ka por 10:30 baje mynstep.

Ka jingrakhe pyndon burom ia kane ka sngi kan long ha lympung Weiking, Jaïaw, Shillong ka ban sdang naduh ka por 1:30 baje nohphai sngi, ha kaba hangne kan don ki jingkren kiba kyrpang na u Rgh D.L Nongbri, Vice President Seng Khasi Kmie bad kumjuh ruh na u Rgh Wyraiki Kharbuki, Asst. General Secretary, Seiñ Raij Jowai.

Hadien ka jingrakhe pyndon burom, kan don pat sa ka jingpyni ïa ka lariti (cultural programme), ka ban kynthup ia ka rwai ka siaw ka put ka tem bad ki skit ba lyngkot, ban sa ïashim bynta da ki khun samla jong ki tnat Seng Khasi bad Seiñ Raij ka ban sdang naduh ka por 4 baje janmiet shaneng.

Kumta, ka Seng, ka ïalap ïawer ïa ki parakur parakha ka bri u Hynñiewtrep u Hynñiaw Wasa ban ïa mih ryntih lang shriak ha katei ka sngi khnang ban pyniphuh iphieng ïa ka jingrakhe ia ka Seng Kut Snem 2026.

Kane ka long kat kum u kyrwoh na u General Secretary Seng Khasi Kmie Rgh Hainess Marbaniang.

Share post:

-->
spot_img

Popular

More like this
Related

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Shillong, Naiwieng 20 : U Myntri Rangbah Conrad K...

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...