-->

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Date:

Share post:

Shillong, Naiwieng 20 : U Myntri Rangbah Conrad K Sangma ha ka sngi Thohdieng, ula kren shai ba ka Sorkar kan nym pyntrei da ka bor ia ka railway project haba kren shai ia ka jingdonkam ka rel kit mar ne kia goods train, ban lah pynhiar ia ka dor jong ki mar ki mata ba kongsan.

U Conrad ula iathuh ba ka lynti jam jong ka Sorkar ka dang iai neh kumjuh : Iakren, wanrah ia ka jing mynjur lang bad pyniaid ia ka kam tad haduh ba ki paidbah kila pdiang.

“Ngin pyniaid shakhmat tad haduh ban da ioh ia ka jingmynjur lang” ula ong haba iakren bad ki nong thoh khubor.

Haba kdew ia ka jingdonkam ka jingpyniasoh lynti rel, u Myntri Rangbah ula ong ba ki nongshongshnong kila mad ia ka jingjynjar namar ka jingbym don ki rel kit mar, bad da ka jingpynkit ia ki mar ki mata da ki trok na kiwei pat ki bynta jong ka Ri, kala nang pynher ia ka dor ka mur.

Ula ong ba ka jingpyrshah kaba dang iaid haduh mynta kala nang kynton ia ka jingjynjar ha ki nongthied nongpet.

“Kano kano ka jingpyrshah kaba don mynta ka ktah beit beit ia ki mar bad ka dor jong ki mar ha ki iew ki hat namar ka jinghap lut ha ka baikit bai bah bad kiwei kiwei ki kam” ong u Conrad.

Ha kajuh ka por, ula pyntip pat ba kan nym don satia kano kano ka jingpyrshang ban iaid pyrshah ia ka jingsngew u paidbah.

“Nga la kren shai ba ngan nym leh da ka bor. Kane ka dei ka kam kaba khia bha” ula ong haba bynrap ba ki jingsngewkhia halor ka jingwan rung kyrthep ki mynder ki long kongsan kumjuh bad hap ban sngewthuh ia baroh ki jingkyllain ka kam.

U Conrad ula kdew ia ka jingdawa ILP kaba la sahteng la slem bad pynpaw ba bun ki bynta ki long shabar ka bor jong ka Sorkar Jylla bad ka don bynta bad ka Ministry of Home Affairs lem bad ki kyndon ka riti synshar ka ri.

“Ka ILP ka long kaba donkam ban don, ki don katto katne ki lad treikam, ngi dang pyrshang ban leh eiei halor kane, ki kyndon ka riti synshar ka ri ruh kila hap lang. Mynshuwa ngi la iakynduh ia ka jingeh, la phah sha ka MHA, kumta ngi dang bteng ban iakren, hynrei kawei ka jingeh hadien kawei kala mih bad ka I kumba kim kut shuh” ula ong.

U Conrad u iathuh ba ki seng kiba pyrshah ia ka lynti rel ki sngewthuh ia ka jingmyntoi jong ki rel kit mar hynrei ki don ka jingsheptieng halor ka jingwan rung kyrthep ki briew nabar ka Jylla.

Haba kylli halor ka jingkyrshan ia ka lynti rel ha ri-lum Garo, u Conrad ula ong ba ka Sorkar kan sa pynlong ruh ia ka jingiakren ha katei ka thain.

Share post:

-->
spot_img

Popular

More like this
Related

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...

Khot iasyllok ka Sorkar ia ki nonghikai deficit ha ka 30 Naiwieng ban pynbeit ia ki jingdawa

Shillong, Naiwieng 20 : Ka Directorate of School Education...