-->

Pynjngai ka BJP ialade na ka RTI u MDC halor ka jingbei pisa ia ki Gospel Concert

Date:

Share post:

Shillong, Naiwieng 21 : Ka Bharatiya Janata Party ka Jylla, ha ka sngi Saitjain kala pynshai ba ka jingpan RTI jong u MDC ka Tura Bernard N Marak, kaba pan jingtip halor ka jingbei tyngka ia ka Gospel Fest kam dei satia ka kam jong ka party.

Ka kyrwoh bala pynlait da u General Secretary Wankitbok Pohshna ka ong ba ka party ka ong ba kane ka jingpan RTI ka dei kaba la leh da u Bernard shimet.

“Ia ka jingpan RTI la leh da u Bernard N Marak shimet bad kam dei satia kaba la sdang ne aibor da ka BJP Meghalaya Pradesh” ula ong.

Ka kyrwoh ka ong ruh ba kam shym la don satia kano kano ka jingiasyllok bad ki nongialam ka BJP Meghalaya ne kan don jingtip ia kum kane ka aplikeshon bala aiti.

“Ym shym la iasyllok ia ki nongialam ka Jylla, lane ki don jingtip ba kum kane ka jingpan RTI ka don hashuwa ban aiti” ong ka party.

Ka BJP ka ong ba ka long kaba sngewsih ba kam jong u briew shimet la shim kum ka jingleh jong ka party.

“Ban pynngat lang ia ka party baroh kawei ha kane ka kam bad tynrong lang ia ka jingkitkhlieh halor ki kam bala leh da u briew shimet ka dei ka bym iahap bad kaba ialam bakla” kala bynrap.

Haba iai ban ia ka nongrim, ka Party ka ong ba ka aplikeshon RTI kam shym la ïoh jingmynjur ne jingïarap na ka State Unit, bad kam don ruh ïa ka bor ba la ai da ka seng ban leh ïa kata.
Ka BJP ka la pynpaw ruh ïa ka jingkular jong ka ban pynneh ïa ka jingsuk hapdeng ki nongshongshnong bad ban pynshlur ïa ka jingïakren paidbah kaba don ka jingïaburom.

Share post:

-->
spot_img

Popular

More like this
Related

Jan 4500 ki nong mareh na ki 30 Jylla ba iashimbynta ha ka Assam Rifle Half Marathon ha Shillong

Shillong, Naiwieng 22 : Jan kumba 4,500 ngut ki...

Sospon ka Tnad Pulit ia u constable ba khrong pisa na ki trok

Shillong, Naiwieng 22 : Ka Tnad Pulit kala sospon...

BJP distances itself from Marak’s RTI on Gospel Fest funding, says move was in personal capacity

SHILLONG, NOV 21: The state Bharatiya Janata Party on...

Meghalaya bans movement of uncovered, overloaded hay trucks in Shillong

Shillong, November 21: The East Khasi Hills district administration...