Shillong, Jylliew 26 : Kawei ka kali kamai kala shu lait salit na ka jingshah bhan ha u mawbah uba hap kynsan kynsan nalor u lum hapoh ka surok Shillong-Pynursla-Dawki, ha Pomlum marjan ka shnong Massar.
Kane ka kali kaba don u nombor ML05-M-0374 ka dei kaba dang wan na Laitlyngkot ban leit sha Iew Pynursla ha ryngkat ki nongleit iew.
Une u maw ula leit hap bad sangah ia ka bynta ba shakhmat jong ka kali, kaba lam sha ka jingmynsaw jong u nongniah. Bhabok ba ki nongleit iew kim shym la don satia kiba mynsaw.
Ia une u nongniah la pynkit noh sha ka jaka sumar ba marjan.
